قال خالد الجندي الداعية الإسلامي، إن هناك نظاما لدى الشعب المصري يُسمى "كده وكده"، إذ أصبحت 90% من أفعالنا وتصرفاتنا "كده و كده"، مستطردًا: "ابنك لو تعب بتخده على المستشفى كأنك انت اللي رايح تعالجه، يعني كده وكده، بييجي دكتور بيكشف عليه بالسماعات قال يعني بيعالجه بجد، أهو كده وكده، بيكتب دواء عشان تصرفه من الصيدلية قال يعني العلاج ده اللي هيعالجه، أهو كده وكده". وأضاف "الجندي"، خلال تقديمه برنامج "لعلهم يفقهون"، على قناة "دي إم سي"، أن حياتنا أصبحت "كده وكده"، فكل سائق يسوق سيارته وفقًا لقواعد المرور "كده وكده"، لا أحد يتقن ما يفعله، ولكن مع الأسف فإن هذا النظام "كده و كده" تسلل إلى إطار الممارسة الدينية، حيث أصبحت الممارسة الدينية في معظمها "كده وكده". وتابع: "بنحضر صلاة الجمعة كده وكده، وماسك السبحة وراجع مع ابنك من الصلاة قال يعني صليت، أهو كده وكده، إحنا بنمثل وبنخدع بعض"، موضحًا أن بعض البرامج الدينية التي تقدم الفتوى نُلاحظ فيها بمجاملة الجماهير، أهو كده وكده. وواصل: "فيه ناس بتروح الحج كده وكده، وبنمشي في الجنازات قال يعني زعلانين على المرحوم، أهو كده وكده، لازم نواجه بعض بالحقيقة، إحنا بنصلي كده وكده، إلا من رحم ربي".