وزع أعضاء شباب القوى الثورية بقنا، آلاف المنشورات على المصلين في معظم مساجد مدينة قنا وقراها عقب صلاة الجمعة؛ لحث المواطنين على النزول يوم 30 يونيو لإسقاط النظام الحالي. جاء في المنشور: "انزل وشارك ومتخافش سلمية، وما تترددش فاضل ايه تسكت عليه مفيش كهرباء، مفيش بنزين، مفيش مياه، مفيش علاج، المرتب مش مكفي ، الفواتير نار، الأجرة غالية، مش لاقيين عيش، بلطجية، انعدام الأمن، إرهاب، سرقة، عمالة بتتشرد، بطالة بتزيد، مصانع بتتقفل، البلد بتتباع، بنشحت من كل بلاد العالم، كرامتنا ضاعت أمام كل العالم". وطالب المنشور الشعب القنائي بالنزول، قائلاً له: "انزل شارك فى ثورتك 30 6، ولو حتى تنشر علم مصر على بيتك المهم إنك تشارك وما تخافش، واعرف لو سكت محدش هيعرف يجيب حقك، دي بلدك وعرضك ومستقبلك ومستقبل أولادك، انزل، شارك، احشد". وقال عبدالله معتوق، المتحدث باسم ائتلاف شباب الثورة بقنا، إنه تم طبع 12 ألف منشور وتوزيعها على جميع المصلين في معظم مساجد مدينة قنا وقراها، لحث المواطنين النزول يوم 30 يونيو، لإسقاط الرئيس طبقاً للأسباب السابقة في المنشور.
