شن الإعلامي أسامة كمال، هجومًا حادًا على الدكتور عصام فايد، وزير الزراعة، بسبب المضايقات التي سببها لمعدي برنامجه "القاهرة 360"، موضحًا أن رفضه دخول فطر الأرجوت إلى مصر وراء غضب وزير الزراعة منه، مضيفًا:" لو كنت دافعت عن الأرجوت فبالتأكيد وزير الزراعة عصام فايد كان هيبقى مبسوط مني". وأضاف كمال، خلال تقديمه برنامج "القاهرة 360 "، على قناة "القاهرة والناس"، "أحد معدي البرنامج يُدعى (نور)، كان يصور فقرة عن صحاري مصر، فقال له وزير الزراعة، إنتوا مين؟ فرد عليه إحنا تبع برنامج (القاهرة 360)، قالهم مش عارف البرنامج ده، ورد عليه أحد المعدين، اللي بيقدمه أسامة كمال، قالهم مين أسامة كمال ده". ورد كمال: "أنا حيا الله مذيع، يا معالي الوزير عصام فايد مش مهم تعرف أسامة أو ماتعرفوش، المذيعين كتير وكان الله في العون هتفتكر مين ولا مين، بس لو شايف إنه عادي إنك تطلع القرار وعكسه في نفس اليوم، يبقى شوف الموضوع بعيد عن الشخصنة لأننا ناس كبار".