وجه الإعلامي محمود سعد، رسالة إلى جمهوره ومشاهديه من خلال مقطع فيديو على صفحته الشخصية على موقع التواصل الاجتماعي "فيس بوك"، موضحًا فيه أنّه ليس سعيدًا بالابتعاد عن التليفزيون ولكنه "مستريح". وقال سعد، خلال المقطع الفيديو: "أنا في الوضع اللي أنا فيه ده مش مبسوط لكني مستريّح، إنتوا شايفين الشاشة عاملة إزاي والدنيا عاملة إزاي، أنا مش هعلق، أنا قعدت ليه ورحت فين وجيت منين، هذه أمور إنتوا تقدروا تستنتجوها زي ما إنتوا عايزين". وأضاف: "أنا مش عايز أطلع في التليفزيون، ومش حابب أطلع في أي حتة، ويمكن بعضكم يفهم إيه المغزى من الكلام، لكن أنا مش هتكلم خالص، واللي حصل حصل، أنا عملت تجربة عملت فيها كل المجهود اللي أقدر أعمله، وبعدين إنتوا إديتوني حب كبير جدًا جدًا، وأنا بشكركوا". وتابع: "نرجع ممكن، منرجعش احتمال كبير، لكن الدنيا اتطورت، وفيه وسيلة دايماً للتواصل حتى ولو بالقلوب، حتى لو تفتكروني وتقولوا الراجل ده يعني كان مش بطال، يعني كان من ضمن أحسن الوحشين يبقى كويس".