وصلت إلى مؤسسة الرئاسة اليوم رسالة إلى الرئيس محمد مرسي من أحد مصابين الثورة الذى قرر الرئيس علاجهم فى المركز الطبى العالمى أسوة بالرئيس السابق حسنى مبارك، جاء نصها كما يلي .. شكر خاص من مصابي الثورة الى الدكتور محمد مرسي /.. امبارح طول اليوم كنت في المركز الطبي العالمي اللي كان فيه حسني مبارك، أنا عايز اقول لكم يا جدعان انا مكنتش مصدق اننا فعلا وصلنا المكان اللي كان فيه مبارك. هوا اه كنا في غرف عادية مش في جناح خاص زية بس المعاملة الآدمية اللي اتعاملنا بيها هناك كانت كفاية لوحديها، انا كشفت عيون ومخ وأعصاب وكالعادة بتاع العيون قالي منعرفلهاش حل طبي معروف استنى أحسن، أما دكتور المخ والأعصاب حولني لمستشفى الدكتور عادل صادق ودا أكبر دكتور فاتح مستشفى متخصصة للمخ والأعصاب والنفسية اللي فرحان بيه كمان أن في ناس هتسافر بره منهم صاحبي اللي طلبت منكم تدعوله معوض وفي ناس تانيين أنا رفضت إني أسافر بره لعدم الجدوى منها ولان في ناس تانية تستحق اكتر مني السفر ولعدم الجدوى من سفري فى النهاية انا هادعيلك ياريس انك سويتنا وخدت بالك منا.