قالت نوارة نجم الناشطة السياسية علي حسابها الشخصي بموقع التواصل الإجتماعي "تويتر" موجهة حديثها للنواب: "اسمعوا الكلام، آخر تحرك .. نواب المجلس بالكامل دلوقت يتوجهوا للبرلمان ويعتصموا جواه وكلنا حنيجي معاكوا اتحركوا بقى فوقوا ضيعتونا". وأوضحت نوارة أن أي نقطة دم ستسيل بعد هذه اللحظة في رقبة نواب البرلمان، وقالت "لازم دلوقت حالاً يعتصموا تحت القبة واحنا حنعتصم بره ومش حنسيبهم بس يتحركوا كل حاجة بتروح... كل إنسان حيموت بعد اللحظة دي دمه في رقبتهم". وأكدت أن أحمد شفيق هو الرئيس القادم وأن محمد مرسي سيخسر في جولة الإعادة من انتخابات الرئاسة، وأضافت "فوقوا فوقوا كل حاجة بتروح "شفيق" رئيس ومفيش برلمان وحكم طوارئ عسكرية ومافيش دستور.. النواب هم اللي الكرة في ملعبهم". وحملت نوارة جماعة الإخوان المسلمين المسئولية عما يحدث حاليًا، وقالت موجهة حديثها لهم: "إنتوا غلطتوا في كل حاجة كل حاجة حساباتكوا وصفقاتكوا وخطواتكوا وأفكاركوا كلها طلعت غلط في غلط، كفاية ضيعتوا كل حاجة فوقوا بقى". هذا وقد أورد الشريط الإخباري بالتلفزيون المصري نبأ حل مجلس الشعب حيث كتب: "بطلان انتخابات مجلس الشعب بالكامل"، وذلك بعد الحكم ببطلان عضوية ثلث أعضاء المجلس الذين انتخبوا بنظام الدوائر الفردية.