أثار تمثال اللاعب محمد صلاح نجم المنتخب الوطني لكرة القدم ونادي ليفربول البريطاني جدلا واسعا على مواقع التواصل الاجتماعي وانتقادات ساخرة بعدما قام منظمو منتدى شباب العالم بوضع التمثال أمام قاعات المنتدى، احتفالا بالنجاحات التي حققها اللاعب في مسيرته الكروية . وتداول رواد السوشيال ميديا صور التمثال مصحوبة بتعليقات كوميدية طريفة "كوميكس " أعاد نشرها الألاف بعدما غرد اللاعب المصري محمد صلاح و قام بنشر صورة التمثال على تويتر مصحوبة بتعليق يتعجب فيه من شكل التمثال وكتب " مين ده ؟ وقد خرجت الفنانة التشكيلية مي عبدالله صاحبة التمثال عن صمتها ردا على تلك الانتقادات وكتبت على حسابها على «فيس بوك»: «لما بدأت في التمثال مكنتش عاملاه لمنتدي الشباب. ولا للمعرض. بدأته هنا معاكم.. وكنت بشرح خطوة بخطوة والمراحل.. ووصلنا مع بعض لمرحله كويسة.. وكنت بعمله بس لغرض إن الناس إلى مش مختصة وعندها الموهبة وعاوزه تتعلم تعرف خطوات بسيطة تمهدلها الطريق إنها تبدأ مشوارها. واللي عايز يتأكد يرجع في بوستاتي شوية هيلاقي كل التفاصيل.. وإزاي الناس كانت بتستفيد».
مضيفة : «يعني مكنش غرضي أعمل تصميم جامد ولا فكرة خرافية قد ما كان قصدي أساعد الناس إلى بتسألني. وناس كتير تابعت الخطوات معايا وعرفو إزاي يبدأو َلوحديهم من أول ما بيروحو للحداد ويعملو كاريكاز لحد ما يخلصو الشغل ويصبوه كمان بغض النظر عن الشغل دا هو إيه. دا كان مجرد مثال بشرح عليه.... وكنت بخلصه بسرعة بسرعة». وتابعت «مي»: «ناس كتير اتضايقت مني وقالتلي متكمليش خطوات ودي أسرار شغل زي ما سموها إلا اني أصريت وكملت عشان يمكن أفيد حتي شخص واحد، وتاني خطوة لما قررت أكمله للمنتدى. وصلت لمرحلة الجبس اللي لونه أبيض فيها دي. وكان عاجبني ومقتنعه بيه. أناعموما مبحبش حد يمد إيده في شغلي خالص عشان التفاصيل بتفرق.. المهم لما المنتدى قررو إنه لازم يبقي التمثال برونز اضطريت إني أخلي حد يصبه برونز.. والصب دا بياخد وقت كبير ومجهود بيحول التمثال من خامة الجبس لخامة النحاس. ..اتفاجأت آخر يوم قبل تسليم التمثال للمنتدي انه كده! أعمل إيه يعني؟».
وقالت الفنانة: «مقدرش مسلموش ولا أقدر أقولهم معملتش شغل لأنهم في المنتدى صارفين عليه َوعاوزينه.. لو معرضي الخاص.. مكنتش عرضته غير وأنا راضية عنه». يذكر ان الفنانة التشكيلية قد نالت شهرة واسعة لدى قيامها بنحت العديد من التماثيل لفناني الزمن الجميل أمثال ماري منيب وعبدالفتاح القصري وشخصية الشيخ حسني التي قام بها الفنان محمود عبدالعزيز في فيلم "الكيت كات" واعادة نشر صور التمثايل مرة أخرى للرد على من سيل الانتقادات التي واجهتها
