عم عصام كبير مشجعى الأهلى على القهوة تسمع منه أجمل الذكريات عن الأهلى فى الستينيات وما بعدها، وكل كلامه عن أن الاهلى من يوم ما عرفته »نادى المبادئ والقيم«، وأن شعار »الأهلى فوق الجميع« هو الشعار الدائم، وأن الاهلى مش ممكن يقف على حد والتاريخ بيقول كده ويقولنا الأهلى سنة 87 كسب الزمالك بالناشئين 3-2 فى الكأس وهو بيلعب بفريق الشباب علشان المايسترو صالح سليم رفض كلام الجنرال الجوهرى وأطاح به برة النادى ومن يومها لحد ما توفى الجوهرى مشتغلش فى النادى ولما ّ اللاعبين رفضوا ده وتضامنوا مع الجوهرى وقفهم المايسترو ولعب بفريق الشباب وكسبنا الكأس، ومن بعد حسن حمدى لما رفض دموع الحضرى وتوسلاته أن يرجع الاهلى بعدما هرب من الاهلى ولعب فى سيون فى سويسرا. كلنا قلنا والله عندك حق يا عم عصام، لكن فجأة شفنا الكابتن عدلى القيعى مع الإعلامى أحمد شوبير وكان بيتكلم عن الأهلى، لكن كلنا كنا فى صدمة، أهلى المبادئ شغال تليفونات ووسطاء علشان لاعب مهم ً اسمه كريم حافظ، حد سمع عن الإسم ده قبل كده يقول لاعب فلتة جدا فردة شمال مش ممكن. لكن الكابتن عدلى بيقول مش ممكن يرجع.. ليه يا عم عدلى؟.. قال ده لاعب من ناشئين الأهلى.. طب كويس يعنى إنه من أبناء لأهلى.. آه بس ابن عاق هارب ضرب الاهلى شلوت وجرى على نادى وادى دجلة عشان يلعب عندهم يسيب الأهلى عشان وادى دجلة.. ال عشان ماجد سامى عنده نادى »ليرس« وهو عاوز يحترف ولما راح هما ادولو شلوت وأعاروه إلى نادى فى قبرص اسمه أمونيا. قبرص هو فى قبرص دورى وكورة..أنا أعرف أنها بلد سياحة هايلة بس كورة عمرى ماشفت نادى فى قبرص أو منتخب إال وهو بياخد على الأقل بالأربعة فى الماتش. وتقول لّاعب كارثة..الكارثة هى إزاى الأهلى يفكر يرجع واحد هرب منه.. يعنى مش طايق يقعد فيه زى الراجل اللى يجرى ورا مراته ويطلبها فى بيت الطاعة..بس ده كان زمان بس كريم حافظ عمل خلع يعنى الرجوع مستحيل على جماهير الأهلى. ونرجع نقول أهلى »طاهر« نادى المبادئ ولا نقول زى زعيم الأمة وأحد مؤسسى الاهلى سعد باشا زغلول »غطينى وصوتى«