دشن عدد من النشطاء هاشتاج علي تويتر يدين نواب مجلس الشعب بسبب عدم اهتمامهم بالشباب المعتصمين امام مجلس الشعب و يطالب المصريين و اعضاء مجلس الشعب بالاعتصام امام المجلس و علقت الناشطه السياسيه نواره نجم علي تجاهل نواب الاخوان المسلمين لهم قائله ان الاخوان مش فارق معاهم ينجحوا في الانتخابات ولا لا.. ومش عايزين اصطفاف وطني، ومصلحتهم مش متعارضة مع العسكري والدليل عدم مشاركتهم في #اعتصام_مجلس_الشعب و اضافت نواره "ابسط حاجة البلتاجي ده لو عنده ذرة ضمير وهو في البرلمان وفي الاخوان كان ييجي للناس يقولهم: مش حيتحركوا دول يابني انت وهو حرام عليكوا نفسكوا"و قالت نواره ان البلتاجي اللي اتشالنا واتحطينا بسبب اتهامه في موقعة الجمل ما استعناش يعدي علينا يجيب لنا محلول جفاف ولا يكشف علينا وهو طبيب و اضافت نواره معلقه علي موقف الاخوان " دول حتى ما رضيوش يستخدمونا كورقة ضغط على المجلس لمصلحتهم.. لازم بقى مصلحتهم مش متعارضة مع مصلحة المجلس العسكري وبيشتغلونا" و قالت الناشطه السياسيه سميره ابراهيم صاحبه قضيه كشف العزريه ان اعتصام مجلس الشعب هوا صراع البطون الشريفة الخاوية التي ستهزم عقول بالية و ادانت سميره موقف الاخوان المتخازل من اعتصام مجلس الشعب مؤكده ان الاخوان فضلو مصلحتهم الشخصيه علي مصلحه الوطن و قالت الناشطه السياسيه اسماء محفوظ ان قانون العزل بالنسبة للاخوان هو انك تعصر على نفسك لمونة وتنتخب مرسي عشان تعزل الفلول وعجبي و اضافت اسماء "كل شوية يقولك مش قانوني مش دستوري .. وشوية يفصلو قوانين على مزاجهم واللي يعترض يقولوله اطلع على المحكمة الدستورية؟ قلتلولي مين رئيس المحكمة؟" و علق الناشط محمد رشاد علي موقف الاخوان المتخازل قائلاً مرة "شعب" راح اعتصم قصاد مجلس "الشعب" عشان يدى فرصة لمجلس "الشعب" انة ياخد موقف راح مجلس "الشعب" عمل عبيط!! #اعتصام_مجلس_الشعب