هددت عناصر بلاك بلوك عبر صفحتها على موقع التواصل الاجتماعي "فيس بوك" بمواصلة أعمالها العنيفة أمام مكتب إرشاد جماعة الإخوان المسلمين بالمقطم، متهكمة على من يطالب بالسلمية قائلة: "إذا أردتم السلمية فاذهبوا للقبور.. وأعيدوا للحياة من كانوا يهتفون بها". واعتبرت الحركة أحداث الأمس بداية الطريق الصحيح وأن ما يؤخذ بالعنف والقوة لا يسترد بغير العنف والقوة وطريق غضب لكنه تضحية لنهاية نصر. وقالت الصفحة: "ما جرى من أحداث أمس مش حاجة من اللي جاي، كنا سلميين لا راعوا فينا حرمة ولا دين، جايين تعيطوا ليه دلوقتي لما عاملناكم بنفس المعاملة؛ هتضرب هضرب؛ هتقتل هقتل؛ هتسحل هنسحل؛ هتخطف وتعذب هنخطف ونعذب؛ عادي جدا، مات الكلام وانتهى". وبررت "بلاك بلوك" تصرفاتهم التي حدثت بالأمس من خلال التعليق بسخرية على دعوات الحياد التي طالبهم بها البعض، قائلين إن الحياد واللي حصل بالأمس ميصحش يحصل من ثوار، لكن لما داخلية مرسي تأجر بلطجية يغتصبوا الست والدتك وأختك زي ما حصل يوم 25 يناير اللي فات مع 27 بنت مصرية، عايزك تلتزم الحياد وانت بتتفرج على والدتك وأختك المغتصبين وتقعد في البيت تكتب بوستات حيادية يا حيادي". وأضاف: "لما يتم اعتقالك ويعتدي عليك داخلية مرسي والإخوان في الجبل الأحمر وينتهكوا حرمة جسمك جنسيا ابقى قولهم خدوا راحتكم، لما أخوك يتعرض للتعذيب لغاية ما يموت زي الجندي على إيد إخوان ويموت في إيدهم هما والداخلية ابقى بص على جثة أخوك وقول مش هرد عشان أنا حيادي. لما أبوك يتضرب قدام الاتحادية ويتربط في باب القصر ويقلعوه عريان ويجلدوه إبقى اقعد في بيتكم ساكت عشان انت حيادي وبتاع مبادئ ثابتة، يا حيادي جزاء الخيانة موت والنفس بالنفس والحقوق تنتزع بالقوة واللي ميعرفش يعني إيه ثورة يخرص خاااالص". واعتبرت "بلاك بلوك" أن الأمس كان أول خطوة حقيقية لتحرر الثورة المصرية من ترويضها الذي استمر سنتين تحت مسمى ثورة سلمية وشباب نقي وطاهر.