بعد نجاح إيرداته في صالات العرض، كشفت الفنانة رحاب الجمل الكواليس كاملة لفيلم عيد الأضحى "مستر اكس" الذي أدى بطولته الفنان أحمد فهمي وهنا الزاهد، مشيرة لفخرها بهذا العمل الفني. رحاب الجمل تكشف تفاصيل مستر اكس وخلال مداخلة هاتفية لها بأحد البرامج، قالت رحب الجمل : "يارب يكون تعبنا وحبنا للفيلم وصل للجمهور ولكل اللي شافوا الفيلم، فرحانة لما بدخل على السوشيال ميديا عموما ردود الأفعال مبهرة والناس مبسوطة بالفيلم والناس بتقول إن الفيلم صيفي وأحلى مما توقعوا وشبابي". وواصلت حديثها :"عملنا مجهود رهيب وإحنا شغالين، وفيه سنة وشوية قبل التصوير أحمد فهمي والمخرج الجميل أحمد عبد الوهاب وأمجد الشرقاوي اشتغلوا فيها على الورق". كما كشفت حماسها الشديد قبل البدء في العمل متابعةً :" وأنا كنت متحمسة جدا؛ لأنها تاني تجربة ليا مع النجم الفنان الإنسان أحمد فهمي مش عارفه أقول إيه لساني بيعجز إنه يوفيه حقه بجد، من أجمل الناس اللي اشتغلت معاهم أخلاقيًا وفنيًا بيحبنا كلنا ومهتم بينا كلنا وفرحان بينا كلنا". كذلك استكملت حديثها عن كواليس الفيلم فقالت :"الضحك في الكواليس مش بيقف وبنحب بعض بجد، وفيلم مستر إكس من الأعمال القليلة جدًا اللي اشتغلت فيها ببقى بخلصها وهعيط إنها خلصت وكلنا كنا متضايقين، ويوم عرض الفيلم كنت فرحانة إني هشوفهم كلهم وكان يوم مبهج إني هشوف نفس الناس". وأنهت حديثها قائلة ً :"هنا الزاهد دي بونبوني دي الفراشة ودمها سكر ورقيقة جدا، حتة شيكولاته بتاعت الفيلم، هي وأحمد فهيم ليهم كيميا مع بعض وربنا يباركلهم، أما أوس أوس بيعمل مقالب محدش نجا منه ومن مقالبه، هو عامل زي الطفل الشقي وطيب جدا وبيضحكنا طول الوقت وبيجيبلي الكلام والله، أستاذ أحمد عبد الوهاب كل شوية يقولنا والنبي سيطروا عايزين نشتغل". تفاصيل الفيلم جدير بالذكر أن فيلم "مستر اكس " قد حقق إيرادات عالية بمجرد عرضه بالسينمات في موسم التسابق بعيد الأضحى المبارك للعام الحالي 2023. وكان قد شارك في بطولته نخبة من نجوم الفن أبرزهم رحاب الجمل وأحمد فهمي وهنا الزاهد ومحمد أسامة و أمير شاهين، من إخراج أحمد عبد الوهاب . ونقدم لكم من خلال المستقبل تغطية شاملة لكل أخبار الطقس والأرصاد الجوية وأسعار الذهب وأخبار مصر وأخبار السعودية والأخبار المحلية وأخبار الاقتصاد وأسعار العملات وسعر الدولار و أسعار الدواجن اليوم وأسعار اللحوم وأسعار مواد البناء والحديد ومواعيد القطارات وأخبار الفن ، يقوم فريق المستقبل بتغطية كافة الأحداث الرياضية مثل الدوري المصري والدوري الإنجليزي والدوري السعودي والدوري الإسباني وكافة البطولات الأوروبية والعالمية ودوري أبطال أفريقيا
