كشف الفنان أشرف زكي لأول مرة سبب إنفصاله عن الفنانة روجينا وعودته لها مرة أخري في بداية فترة زواجهما، وذلك خلال لقائه ببرنامج vip عبر قناة "هي". سبب إنفصال أشرف زكي عن روجينا فتحدث الفنان أشرف زكي عن المشاكل التي حدثت في بداية فترة زواجه مع الفنانة روجينا فقال :"تعرفت على زوجتي الفنانة روجينا حينما كانت طالبة في الفرقة الأولى بمعهد الفنون المسرحية بينما كنت معيدا". وواصل أشرف زكي حديثه :"شوفت روجينا ولقيتها بنت مؤدبة ومحترمة وموهوبة وقمر فقلت لها أنا هطلع أعمل عمرة وهعمل استخارة واللى ربنا يكتبه هيكون فرجعت دورت عليها وروحت لهم البيت وقرينا الفاتحة وهي كانت لسه في سنة أولى معهد، واتجوزنا وهي في الفرقة الثانية". واسترسل :"لما انفصلت عن روجينا مكنتش مصدق وكنت متضايق ومتألم جدا خاصة انا كان معانا بنتنا مايا، كنت حاسس أن روجينا محتاجة هدنة خاصة أنها شافت شهرة ونجومية وهي صغيرة وده عملها تصور ما لمستقبلها". واضاف :" في الوقت اللى كان عندي في الفترة دي مشاكل في شغلي والنقابة، فكان مهم اوي نعمل هدنة وهي اللي طلبت الهدنة ومقعدناش شهور ورجعنا لبعض تاني" وعن شعوره وقت إنفصاله عن زوجته قال أشرف زكي :"انا كنت متأثر جدا بعد انفصالي عن روجينا وكان الإحساس صعب ومكنتش متزن وحاسس بوحدة شديدة وانهزامية بعد لما بنيت حاجة عظيمة مبقتش موجودة وحسيت ان روحي مش معايا وانا مش انا". وأختتم حديثه قائلاً :"احترمت قرار روجينا بالإنفصال، وبلا شك لما حد يبقى صغير في السن بتحصله خضة ويشوف نفسه وده كان سبب انفصالنا وأنا كمان كان فيا عيوب مش مقدر انشغالها واللى هي فيه ومبقلعش مشاكل النقابة وأنا داخل البيت، وراضيتها من خلال أمها ونلت الرضا الثاني وخليتها تحبني جدا وبودها وهي الوحيدة اللي أثرت علي دماغ بنتها واقنعتها ترجع ليا".
