تحدثت الفنانة الشابة رنا رئيس عن نجاحتها الحالية بالإضافة إلى أحلامها المستقبلية في التمثيل، وذلك خلال لقاءها مع الإعلامية إيمان الحصري ببرنامج "مساء دي إم سي". تصريحات رنا رئيس الأخيرة فكشفت الفنانة رنا رئيس عن توابع نجاحتها المتتالية في الوقت الحالي فقالت: "أنا عايزة أعمل كل حاجة في التمثيل، أنا لسه معملتش أي حاجة، بالنسبالي بدأت الناس تعرفني، بس أنا محققتش 10% من اللي جوايا". وواصلت: "فيه ناس أنا نفسي أبقى زيهم بس أنا عارفة أني عمري ما هوصل ليهم زي مثلا أستاذة سعاد حسني لأنها أيقونة مش هيجيي زيها تاني".
تخوف رنا رئيس من الحسد كذلك تحدثت الفنانة رنا رئيس عن مخاوفها من الحسد فقالت: "كنت مسافرة قعدت 3 شهور برا مصر، فرجعت وكلابي كانوا واحشني جدا جدا، فاتصورت مع الكلبة بتاعتي كان عندها 3 سنين، وبعدها ب 3 أيام الفيديو كان تريند، والكلبة توفت، فمبقتش انزل صور كلابي، حتى كان فيه صور منزلاها مسحتها عشان بخاف من الحسد".
رأي أهل رنا رئيس في أعمالها وتطرقت الفنانة رنا رئيس للحديث عن انطباع والدتها وأهلها عن عملها فقالت: "باخد رأي أمي في شغلي، وهي صريحة معايا أوي، وأهلي دايما بيدعموني وفي ضهري، بس هما أكبر نقاد ممكن يبقوا موجودين، لما بيبقى فيه مشهد وحش بيقولولي دا كان وحش". واسترسلت رنا رئيس:"في الأول خالص مامي كانت تقولي لا كان فيه كذا كان لازم نهديه.. كان فيه انفعال هنا مكنش ينفع يبقى موجود، بس بعد كدا بقت تقول لا المشهد دا كان وحش، ودايما تحسسني أنه عندي أحسن". وأضافت :"أنا ممكن أرد على الانتقادات، بس مامي لا، كان فيه بوست محطوط على جروب على فيسبوك، وفجأة لقيت هجوم مش طبيعي، ومن ضمن الكومنتات لقيت واحدة كاتبة هو أنا مشوفتش المسلسل دا بس هي مثلت وحش جدا، فدخلت رديت عليها".
آخر أعمال رنا رئيس علي الجانب الآخر، يذكر أن آخر أعمال الفنانة رنا رئيس هو مشاركتها في مسلسل "أزمة منتصف العمر" الذي تعرض حلقاته حالياً عبر منصة شاهد، ويؤدي بطولته عدد من نجوم الفن أبرزهم: ريهام عبدالغفور، كريم فهمي، رنا رئيس، هند عبدالحليم، ركين سعد، عمر السعيد، وغيرهم، من تأليف أحمد عادل سلطان، وإخراج كريم العدل.
