عبر الفنان ماجد الكدواني عن سعادته بنجاح الجزء الثاني من مسلسله "موضوع عائلي" كما كشف عن حقيقة وجود جزء جديد من المسلسل، خلال مداخلة هاتفية مع الإعلامي عمرو أديب لبرنامج الحكاية. كواليس نجاح مسلسل موضوع عائلي2 أوضح الفنان ماجد الكدواني سعادته الكبيرة بنجاحه مسلسله المعروض مؤخراً "موضوع عائلي2″، فقال : "الحمد لله، بعيدًا عن التريندات إحنا كان كل هدفنا كصناع العمل أن نوصل رسائل العمل، كنا شايفين إن أحنا محتاجين أن نوصل بعض الرسائل الإنسانية والحمد لله ربنا وفقنا في توصيلها" وتابع الفنان حديثه "مكنش هدفنا ندوس أو نشحت عواطف أو مشاعر، كان هدفنا أن نوصل لحالة شجن تفكرنا ببساطتنا الأولى بجانب براعة المخرج أحمد الجندي فهو خبرته كبيرة في الشغلانة فهو عارف امتى يقدم إيه، وامتى يدوس ويخف، وازاي يوزن العمل بميزان حساس". كما كشف الفنان كيفية أداءه لمشهده الشهير في الجامع فقال "قدمت المشهد ببساطة شديدة، وكان هدفنا نقول أن أي إنسان ممكن يكلم ربنا في أي وقت وفي أي شكل، ومننساش إن أحنا نكلم ربنا، فربنا أهميته الأولى في حياتنا فهو مناجاة لله". حقيقة وجود جزء جديد من المسلسل ورداً علي سؤال حقيقة وجود جزء جديد من المسلسل قال ماجد الكدواني "اللي يريده ربنا هيكون، بعد نهاية الجزء الأول مكناش عارفين هنقدم جزء ثاني ولا لا، لكن ربنا أراد وبعت الأفكار الحلوة عشان نقدم الجزء الثاني". وأضاف "هنرتبها مع المنتج والمخرج والكاتب ونشوف ايه اللي هيحصل لأن محدش شغال لوحده، إحنا كيان على بعضه كامل، وهنفكر مع بعض واللي فيه الخير يرشدنا ربنا له وأتمنى نكمل".
