كشف مطرب المهرجانات حمو بيكا عن أسرار وحكايات من حياته الشخصية ورأيه في قرار إيقافه من العمل في الأماكن العامة والرسمية في مصر، بعد بيان نقابة المهن الموسيقية برئاسة الفنان هاني شاكر، موضحًا أن ما تعرض له ما هو إلا ظلم وافتراء. وقال حمو بيكا خلال حواره مع الإعلامية إنجي أنور ببرنامج مصر جديدة على قناة etc: سجلت أغنية جديدة من أجل لاعب الكرة المصري فخر العرب محمد صلاح، ومن المقرر طرحها في حال فوز مصر بالكأس. وأضاف: الدنيا اتغيرت بعد الرئيس عبد الفتاح السيسي بقى لينا حرية في التعبير والنشر، وليا حرية الرأي إني أعمل أي حاجة أعملها ما دام مبتعداش على غيري، ولما قلت أنا مصري أستاذ هاني شاكر طلع قال مينفعش يبقى البلد فيها سيادة الريس عبد الفتاح السيسي ويبقى فيها الناس دي، وبقول لأستاذ هاني ربنا كبير. وتابع: اللي بيعمله معانا مزعل العالم العربي كله، وأنا بسافر وبروح والناس بتقولي ليه بيعملوا كده، اللي حصل الفترة اللي فاتت ده ظلم وافتروا عليا، وأنا مش مسامحه لحد يوم الدين، وأنت بتقطع لقمة عيشي ليه وأنت مبتدليش جنيه من جيبه، وربنا كبير، مش هسامح أحد حتى يوم الدين قام بقطع عيشي". وتابع مطرب المهرجانات الشعبية حمو بيكا، أن ما يقوم به هاني شاكر من تعند واضح مع مطربي المهرجانات الشعبية، اغضب جمهوره على مستوى العالم العربي ". وأوضح مطرب المهرجانات الشعبية، أنه رفض جنسية من دولة عربية، للغناء بها ". أما عن عدم اتقانه اللغة الإنجليزية الذي يتضح في مقاطع فيديو يتم نشرها على موقع تيك توك، قال حمو بيكا: بتبقى القافية معلقة معايا، وببقى مش عارف أقولها فعلًا ومش مقصودة، وهتكسف ليه ؟ احنا مش بنعمل حاجة غلط. وأكمل مطرب المهرجانات الشعبية حمو بيكا، أنه ندمان على الاغاني الشعبية التى قام بغنائها من كلمات خارجة. أنا بقدم فن وبيسمعني ملايين وأضاف مطرب المهرجانات الشعبية حمو بيكا: "أنا بقدم فن وبيسمعني ملايين.. وكنت على باب الله مكنتش أعرف يعني أيه فيس بوك أو تويتر أو يوتيوب أو غيره من منصات مواقع التواصل الاجتماعي". بقالي 10 سنوات بغني وأوضح مطرب المهرجانات الشعبية قائلا: "بقالي 10 سنوات بغني وعملت أكثر من 1500 تراك".
