أرجع الإعلامى أحمد شوبير حارس مرمى الأهلي السابق تراجع نتائج فريق بيراميدز هذا الموسم وفقدانه ل18 نقطة من إجمالى 33 نقطة ببطولة الدورى الي غرفة اللبس ، وذلك خلال برنامجه الإذاعى عبر أون سبورت إف إم. حيث قال"إنبى عمل مباراة كبيرة أمام بيراميدز، حلمى طولان مدرب شديد الاحترام وعاقل ورزين وعارف بيعمل إيه، إنما بيراميدز محدش عارفين هما عايزين إيه لحد دلوقتى". وتابع شوبير: "شريف إكرامى لا يسأل عن الثلاثة أهداف لإنبى لكن ليا عتاب ليه رامى صبرى بيسدد ركلات الجزاء بطريقة بانينكا فى كل المباريات وبالتالى لازم شريف كان يبقى عارف كدا، بس هو خد 3 خطوات قدام وبقى ليه تفكيرين فى اللحظة الأخيرة وعشان كدا كان زعلان أنه معرفش يعمل حاجة ودخلت ركلة الجزاء مرماه". وأتم شوبير "مشكلة بيراميدز فى أوضة اللبس ، لما جابوا لاعيبة الأهلى قالوا عايزين نتقل أوضة اللبس ونضيف ليها الخبرات وخرج وقتها رمضان صبحى قال روحت بيراميدز عشان الطموح، امبارح بسأل على الخبرات لقيت عبد الله السعيد وأحمد فتحى مصابين ولقيت رمضان صبحى على الدكة فقولت للمراسل شوف مش بيلعب ليه قالوله أصل المدرب بيريحه عشان مرهق واللى عرفناه أن رمضان زعلان عشان كان عايز يلعب عشان بينافس على هداف الدورى، فقولنا طالما بيريحه يبقى مش هيلعب لكنه نزل بديل لعب نص ساعة".
