تعرض الفنان حسام داغر لانتقادات شديدة عبر حسابه على موقع الصور الشهير "انستجرام" بعد نشره صورة بصحبة الفنانة ميمي جمال، مطالبًا إياها بالتراجع عن قرار اعتزالها الفن والعودة مجددًا، ورد عليه عدد من المتابعين رافضين دعوته «لأن الفنانة الكبيرة تتقرب إلى الله ودعوته لها بالتمثيل مجددًا يمنعها عن الهداية والتوبة». وكان حسام داغر، قد نشر صورته مع ميمي جمال وعلق عليها قائلًا :«بقى معقول القمر دي يعتزل؟، إزاي يا ميمي يا أجمل ست في الدنيا؟ ده أوحش خبر سمعته، ده إنتي اللي فاضلة لينا من زمن كان جميل إنتي وعم حسن الله يرحمه -في إشارة لزوجها حسن مصطفى- كنت أشوفك بس اتبسط، إنتي بس أكيد بتشوفي غلاوتك عندنا و إننا منستغناش عنك، طب أنا هتحايل عليكي شوية، حاسس بيكي و إنتي اللي عندك لسه كتير يا كتلة الحنان و الطيبة». وتابع : «متزعليش من ناس في الوسط ميعرفوش قيمتك، وإنتي اللي يعرفك كويس مش بس يحبك، ده يموت فيكي، جايه تسيبينا بعد ما الجميلات راحوا، هيتبقالنا مين؟ كده الجمال في الشغلانة هيقل يا ميمي يا جمال يا ملكة الجمال، قولولها ارجعي ومتسيبيناش». وقام متابعين بالرد حسام داغر من خلال ابداء رفضهم لما قاله خصوصًا وأن الفنانة اختارت الاختفاء«ادعي ربنا يثبتها ويرزقك حسن الخاتمة»، مع مساندة متابعين آخرين له في كلماته. ورد حسام داغر على المعارضين له قائلا: «المعترضين على دعوتي ليها بالعودة إنها متقضيش آخر سنينها في بعد عن أحبائها، أنا بتكلم عن إنها قضت 70 سنة من عمرها في الوسط الفني، الأستاذة ميمي بتمثل من وهي طفلة عندها 9 سنوات، طبيعي تكون كل معارفها وعلاقتها وأصدقائها في الوسط، ولما تقرر تعتزل مهنة اشتغلتها طوال عمرها لازم الناس تتمسك بيها شوية، وطبعًا ليها حرية الاختيار». واختتم قائلًا: «وزي ما قالت محتاجة وقت مع بناتها وأحفادها لكن موضوع علاقتها بربنا فدي علاقتها الخاصة بيها، وأنا أشهد إنها كانت دائمة الصلاة وعمر ما كان الوسط الفني حاجة تستحق الهدايه في البعد عنه بالعكس فنانين كتير حمدين السيرة وفي مكانهم قدروا يساعدوا ناس كتير».
