وجه الرئيس عبدالفتاح السيسي، الشكر للعاملين في مشروع أنفاق قناة السويس، قائلا: "أنا بشكركم كلكم وبقول للشباب الموجود معانا والشباب اللي بيشوفنا المشروع ده حكاية كبيرة أوي، لأن كان المفروض المشروع ده لو عاوزين نعمله نجيب شركات أجنبية وتعمله لأننا مخضناش التجربة قبل كده ومعملناش الشغل ده قبل كده". وأضاف "الرئيس"، خلال جولته التفقدية للمشروع بالإسماعيلية، قائلا: "احنا قولنا لأ.. ليه ما نقدرش نعمل لا احنا نقدر.. المصريون جاهزون والشركات قادرة وده حصل، واحنا دلوقت مسافة 2 كيلو جوه النفق وربنا يكملها بخير ويكملها للآخر"، مُضيفًا: "الحكاية مش إن شركة فقط مصرية ولكن 4 شركات كل شركة قائمة لوحدها تُدير الموضوع من الألف للياء بالخبرة بالعاملين والمهندسين". وتابع: "إحنا المصريين قدرنا نعمل حاجتنا بنفسنا.. اه اشترينا الماكينات من بره لأن محدش بيعمل كل حاجة لوحده، بس المشروع ده حكاية تانية، لأن المصريين بتعمله من الألف إلى الياء، ما يقرب من 90% من العاملين المصريين شغالين بالكامل، وخلاص مبقاش فيه حد يستعينوا بيه". واستطرد: "إحنا نقدر ونقدر كتير أوي وبشكركم كلكم.. المشروع ده لما يخلص بالكثير 30 يونيو هيكون الأربع أنفاق خلصانين وأرجو التحدي".