خلال برنامجه "نسمات الروح"، المذاع على فضائية الحياة، استنكر الشيخ خالد الجندي، الداعية الإسلامي،حادثة مقتل "كلب الأهرام" على يد 3 أشخاص بطريقة بشعة باستخدام السنج والأسلحة البيضاء بعد ربطه وتعذيبه. وقال الجندي: "طبعا الحادث ده بشع ومش هاقدر أقول إن غير إنه بشع، وأول حاجة ها أقولها عن الحادث ده دي أخرة اللي يصاحب إنسان، لأن الإنسان من طبعه الغدر، والغدر مش من اللي قتلوا الكلب لا من صاحبه اللي سلمه لهم". وأضاف الجندي: "شوفنا في الواقعة دي نموذج لكلب وفي وإنسان غادر، إحنا بنشوف كلب بيموت علشان صاحبه علشان تمرت فيه اللقمة، وفي ناس تانية أتربوا في مصر وشربوا من نيلها وبيرموا قنابل في ربوعها ويفجروا، ودوول الكلاب أنضف منهم وأرقى منهم ". وكان شاب بمنطقة الهرم سلم كلب الحراسة الخاص به لبعض الأشخاص بالمنطقة لينتقموا منه ويقتلوه بعد أن عقرهم الكلب دفاعا عن صاحبه.