علق الإعلامى عمرو أديب خلال تقديمه برنامج "القاهرة اليوم" الذى يذاع على قناة "اليوم" على تصريحات الكاتب علاء الأسوانى الذى قام بوصف الانتخابات الرئاسية بأنها ليست ديمقراطية، ورفضه ترشح المشير عبد الفتاح السيسي قائلا: "بعض المثقفين اللي كانوا عصروا على نفسهم ليمون، وانتخبوا مرسى والمسئولين عن المصيبة اللي إحنا فيها دلوقتي، والناس اللي جابت مرسى والإخوان، راجعين تاني وعاوزين يركبوا على رقبتنا ويقولوا مفيش انتخابات رئاسية". وتابع: "فيه أيه يا دكتور علاء متدي البلد فرصة، أنت كنت بتنادي بفرصة لمرسى، لما ولاد البلد يدخلوا الانتخابات مش عاوز تديهم فرصة، أعصر على نفسك ليمونة يا أخي، ياما عصرت على نفسك لمون لما جالنا حموضة". واستطرد بالقول: "الراجل ليه 10 مقالات بيهاجم السيسي، في إيه يا دكتور علاء.. أنت مثقف وإحنا حيوانات يعني؟، لولا السيسي كان زماني وزمانك في زنزانة واحدة. ادوا الناس فرصة يا أخي". وأضاف: "إنت رشقتنا في الحيط المرة اللي فاتت، الانتخابات دي لو حصل فيها تزوير أنا هقف ضدها أنا مش بستر، السيسي مش محتاج تزوير".