أعرب وائل غنيم الناشط السياسى والمدير الاقليمى لجوجل عن استيائه من مروجى الشائعات مشبها لهم بأنهم كالكاتب السخيف الذى يستشهد باكاذيب على اكاذيب. وحذر بطريقة ساخرة لاذعة،رواد الانترنت من الانسياق خلف الدعاوى الزائفة والتسبب فى انتشارها بحسن نية قائلا:"زمان كان فيه على الأرصفة كتب صفراء .. تفتح الكتاب تلاقي فيه: يقول العالم الغربي بدنجان الورق عنبي: "بلا بلا بلا بلا" (الترجمة: bla bla bla) .. وطبعا كله بيبقى كلام من تأليف مؤلف الكتاب .. ولو جيت تعمل سيرش في النت (مكانش فيه نت ساعتها) على اسم الراجل تلاقي مفيش حد بالاسم ده والمؤلف بس حب يخدم موضوعه بإنه يستشهد برأي واحد بالرغم من إنه لم تلده أمه .. نفس الوضع ده بيتكرر دلوقتي عن طريق مطلقي الإشاعات على الإنترنت .. صورة أي شخصية عامة (أو حتى مش عامة) .. وديسكريبشن مع الصورة فيه كلام ما بيعجب رأي ناس كتير في قضية سياسية أو اجتماعية وAdd.. وبعض الناس للأسف بيستجيب وبيعمل شير .. يا ريت منعمليش شير لحاجة إلا لما نبقى متأكدين منها" من أقوال العالِم الغربي بدنجان الورق عنبي".