ارقصي يا انشراح اللى جاى مش احسن من اللى راح!! #بشرة_خير بعض الناس هيحاولوا هيقحمو السياسه بي اللي هيحصل انهارده في الشوارع ويضيعو فرحه المصريين ويزودوا كلاكيع كلام اكبر من مستوي الحدث ويضيعو بهجه اليوم الاحتفالي العظيم, زاي متقول كدا لموأخذ بمثابة العبور لكن علي مين المصري فاهم وعارف وعنده اصرارغير مسبوق ومش هيبطل رقص ولعب وحب امام اللجان. يعني مثلا هتلاقي في الشارع تجسيدلأفلام الزمان الجميل #شباب_امراّة من نساء كبار السن بكل ليونه سيتم استدعاء الذاكره بشخصيات تتمثل بروح الجيل تحيه كاريوكا تعبيراً منهم ب تحيا مصر وبكدا هيعبرو عن فرحتهم. بالظبط اللمه متحلاش الا بالرقص مع كبار السن احيانا كانهم نزلوا يصلحو غلطه الابناء من ثلاث سنوات عجاف مضت .. قال يعني عيونهم علي المستقبل وماسكين صور لبطل الحرب والسلام والزكريات الجميله فرصه يسترجعون أيام الشباب بعدما بلغوا من الكبر عتيا , وطبعا واضح ان مضيهم يشفع لهم من ممارسات لكافه انواع الانبطاح والرقود علي الركبتين امام حاكمهم المستبد. وبطبيعه الحال هتلاقي بنات في سن الشباب بترقص عشان مرشحهم وعدهم بان يحميهم من التحرش ويعيدلهم الامان بمجرد مايمسك الحكم فقرروا يجربو بانفسهم الوعد. !! - وهناك لجان للرجال معظهم من موظفي الدوله من مسنين وبعض الشباب بعقليات الرجل العجوز اللي طول عمرهم بيخدو مرتبات وبيطلبو بزياده نصيب الاجازات الراسميه قال يعني بيعمل حاجه مفيده انما عشان مبيلحقش يقعدعلي المقهي والكافيه مع الشله يعني تمسكهم بالنزول ما هو الا نوع من انواع الحفاظ علي المكسب الوظيفي. - يسلام بئه لما تلاقي في لجنتك واحد من الذي يحظي بأهتمام الاعلام المنصب عليهم لانهم ببساطه في المعتاد لا يجلسوا الا في جو التكييف عشان المكياج ميطربقش علي وجوههم فيحصل فزع بوجود كائنات فضائيه في طابور الانتخابات بعدما اعتدنا عليهم داخل شاشات الفضائيات اقصد الفنانيين والفنانات والاعلاميين وهم ايضا عايزين ينزلو وكل همومهم كسر قيود الالتزام سواء الاخلاقي اوالديني تحت شعار حريه الابداع من اجل ضمان سريان السبوبه, فضحي بالوقت ونزل في الحر يناضل في الانتخابات اللي هتظهر وطنيتهم المتلونه بمرور العصور. و طبعا مش ظاهر للناخب العادي هذا التلون بحكم انهم يلعبون علي عامل الزمن والنسيان. ويرجع يقول كنت واقف في طابور فيه الفنان الفلاني و الكلام علي لسان الناخب وبكدا يتم الترويج للمشاركه. اه الصور اوعا تنسا الصور اوماااال حدث وطني رائع! هي ديه الصوره(الرقص) المشرفه انما صور التظاهر ودوشه حاجه مبتجبش همها الرقص والطتبيل بيجيب من الاخر شعار خفي بس واقع. احنا عندنا كام (عروس ديمكراتي)!؟