الوزير الجديد قاد عملية إخلاء ميدان مصطفى محمود التى قتل فيها 27 سودانيا
استقبل نشطاء على مواقع التواصل الإجتماعى فيسبوك و تويتر , خبر تعين اللواء محمد إبراهيم يوسف مدير أمن الجيزة الأسبق وزيرا للداخلية برفض شديد , خاصة و أنه كان المسئول عن عملية إخلاء ميدان مصطفى محمود فى عام 2005 الماضى من اللاجئين السودانيين , باستخدام العنف المفرط , مما أدى إلى مقتل 27 سودانيا و إصابة المئات , والقبض على العشرات منهم
كما تداول نشطاء موقع التواصل الإجتماعى تويتر مقطع فيديو يحمل معنى إنسانى , حيث يظهر الفيديو ذكرى المذبحة التى قادها وزير الداخلية الجديد ضد الأشقاء السودانيين و صورا لعدد من شهداء المذبحة , فضلا عن تداولهم تقرير صادر عن الشبكة العربية لمعلومات حقوق الإنسان به تفاصيل المذبحة التى ارتكبتها قوات الأمن بقيادة الوزير الجديد
وجاءت تعلقيات النشطاء على " تويتر " على النحو التالى : · وزير الداخلية الجديد ده عمل مصيبة مصطفى محمود وانا في الخرطوم وما كنتش لاقي حتة استخبى فيها من الأشقاء هناك اللي كانوا بيتنشقوا على مصري
· ماحدش سوداني ييجي عندنا مصر بقى اليومين دول.. واللي منهم في مصر يلحق يهرب.. احسن وزير الداخلية بتاعنا بيصطادهم ويعلقهم على الحيط
· ما أعتقدش إن في أي إصلاح حقيقي في الداخلية هيحصل في الفترة الإنتقالية مش هيتم إلا في ظل حكم مدني يدي كل ذي حق حقه عايزين حد يلصم الأمن وخلاص ( تعليق الكاتب الصحفى بلال فضل )
· طب وانتوا زعلانين من وزير الداخلية الجديد ليه يا جماعة؟ ده بيموت سودانيين بس هيهيهيههييييييييييييييييي ( تعليق الناشطة والكاتبة الصحفية نوارة نجم )
· الجنزوري: لن نستخدم العنف حتي "اللفظي" منه، علشان كده جبت سعادة اللوز اللي قتل السودانين في الشارع يمسك الداخلية دلوقتى عرفنا ايه الاسباب الامنيه ..خايفين من السودانين ..يعرفو اسم وزير الداخليه .. فيروحو يغتصبو ويخلصو حقهم
· جابولنا سفاح السودانين وزير الداخلية طب محدش يوصل الخبر ل جنوب السودان بقى لحسن تقفل علينا المياة