أعرب الفنان راغب علامة عن سعادته بتواجده في حفل غنائي برفقه الفنانة نانسي عجرم، ضمن فعاليات مهرجان العلمين الجديدة، وذلك من خلال لقائه في برنامج التاسعة المذاع على قناة الاولى. وقال راغب علامة:"أحلى أوقات قضتها في حياتي بمصر، واتربيت وعشت في مصر وقت طويل، وأحلى أوقات في حياتي هنا، والمصريين أدوني أحلى ذكريات في حياتي، والانطلاقة من هنا، وسعيد بمشاركتي بالعلمين. راغب علامة: أنا ونانسي بنشبه بعض في الحفلات
وتابع علامة: "معايا الفنانة اللي بحبها نانسي عجرم، ومتشوق للجمهور، والناس بتحب تشوف الفنانين اللي بيحبوهم، وأنا ونانسي بنشبه بعض في الحفلات والجمهور بيبقى حلو وإيجابي، والمهرجان ينضم لمجموعة الذكريات الكبيرة، عندي في قلبي ووجداني إن المهرجان هيبقى له ذكريات كبيرة. وتحدث راغب علامة عن الأغاني التي سوف يغنيها في الحفل وقال: "هغني كل الأغاني اللي ناس بتحبها، وأهم حاجة عملتها في حياتي إن شريط الأغاني عايش مع الناس، والحاجات اللي عملتها في التسعينات خالدة مع الجمهور، وأنا بحس بالجمهور بالأغاني، ويشعر بالجمهور كتير، وعلشان كده دايمًا الحفلة بتخلي الناس فرحانة". راغب علامة: لازم كفنانين نكون متجددين وأنا بسمع معظم الحاجات اللي بتنزل
واختتم راغب علامة: "لازم إحنا كفنانين نكون متجددين، وأغانينا تبقى لسه عايشة، الشغف وحب الناس سبب استمراري، وبقعد في الاستوديو بشتغل بتخيل الناس هتبقى عاملة إزاي مع الأغاني، ودايمًا بدور على الحاجات المتميزة، ولازم أتجدد مع الجيل الجديد، وأنا مش من الفنانين اللي عايز تجدد، وأنا بسمع معظم الحاجات اللي بتنزل". ما هي آخر أعمال راغب علامة؟ يذكر أن آخر أعمال راغب علامة أغنية في كتير حلوين، وطرحت الأغنية خلال الأيام الماضية، وذلك عبر قناته الرسمية بموقع يوتيوب، والأغنية من كلمات الشاعر عصام شعبان وألحان عبده سليم. كلمات أغنية "في كتير حلوين"
في كتير حلوين واشمعنا أنت كل أما تخش مكان؟ خطاف للعين وإن كان مقلوب فجأة بتقلبه رواقان فيك إيه من السحر اللي مخلي لحضورك طعم غريب فهمنا يا جامد، يا معدي، يا جميل، يا لذيذ، يا رهيب (يا رهيب) في كتير حلوين واشمعنا أنت كل أما تخش مكان؟ خطاف للعين وإن كان مقلوب فجأة بتقلبه روقان فيك إيه من السحر اللي مخلي لحضورك طعم غريب فهمنا يا جامد، يا معدي، يا جميل، يا لذيذ، يا رهيب لأ، لأ، لأ في حضور، في كارزيما وشاغلنا وعامل أزمة وبتاكل الجو بنظرة، هنكابر ليه؟ ملهوش لازمة لأ، لأ، لأ في حضور، في هيبة، مقبول بطريقة عجيبة مش بس عشان متدلع، ده عشان ليك طلة رهيبة في كتير حلوين جدًا لكن روحنا لروحهم مش قابلة بس أنت بقى في حتة لوحدك، بصراحة عينيك مش سهلة ولا شفت إتنين مرة اختلفوا على إن حضورك نعمة بيقولوا عليك قمر إنما لأ أنا شايفك أحلى وأحلى في كتير حلوين جدًا لكن روحنا لروحهم مش قابلة بس أنت بقى في حتة لوحدك، بصراحة عينيك مش سهلة ولا شفت إتنين مرة اختلفوا على إن حضورك نعمة بيقولوا عليك قمر إنما لأ أنا شايفك أحلى وأحلى لأ، لأ، لأ في حضور، في كارزيما وشاغلنا وعامل أزمة وبتاكل الجو بنظرة، هنكابر ليه؟ ملهوش لازمة لأ، لأ، لأ في حضور، في هيبة، مقبول بطريقة عجيبة مش بس عشان متدلع، ده عشان ليك طلة رهيبة لأ، لأ، لأ في حضور، في كارزيما وشاغلنا وعامل أزمة آه، وبتاكل الجو بنظرة، هنكابر ليه؟ ملهوش لازمة لأ، لأ، لأ في حضور، في هيبة، مقبول بطريقة عجيبة مش بس عشان متدلع، ده عشان ليك طلة رهيبة لأ، لأ، لأ في حضور، في هيبة (يا جميل، يا لذيذ، يا رهيب)
