حرص نجم الجيل تامر حسني على تقديم نصيحة تلخيصية لعام 2022 الذي حقق به نجاحات كبيرة سواء إيرادات فيلم "بحبك" أو أعلى نسبة مشاهدة بأغنية "هدلعني". تامر حسني يوجه رسالة شكر لجمهوره لتفاعلهم مع أعماله وكتب تامر حسني منشور من خلال حسابه الشخصي بموقع التواصل الاجتماعى فيسبوك قائلًا:" مع نهاية السنة دي وبداية سنة جديدة احب اقولكم اني بشكركم جدًا على استقبالكم وحبكم وتفاعلكم مع اعمالي في السنة دي من ألبوم لأغاني فيلمي لفيلم بحبك ". تامر حسني يبدأ السنة الجديدة بتشجيع جمهوره واستكمل حديثه: "هبدأ السنة الجاية معاكم بتشجيعي ليكم من خلال تجربتي الشخصية في اكبر تحدي فني عملته في حياتي في فيلم بحبك اللي اثبتت فعلًا ان مفيش مستحيل بقولكم الكلام ده عشان كلكم على بداية السنه تقولوا مفيش مستحيل وتاخدوا قرار حاسم بلا راجعه للنجاح أو التغيير أو التطوير أو الاصلاح قرار تمراوي حسناوي و دا القرار اللي اخدته وانا شغال في فيلم بحبك". تامر حسني يتحدث عن الحملات المأجورة ضد فيلم بحبك وأشار: "الكل قالي مستحيل هتنجح لو ألفت الفيلم وعملت موسيقته التصويريه وكنت بطله وتغني اغانيه وتلحن منها وتكتب منها وتخرجه كمان و بعد اصدار الفيلم طلعوا حملات يحاربوني منهم حملات مأجوره لمصلحة ناس ضعيفة نفوس وحملات من باب الغيره وعدم التصديق ان في شخص ممكن يجمع كل دول وينجح فكانوا بيحاربوني على سبيل الاحتياط، رايحين يشوفوا الفيلم محضرين هيغلطوا فيا يقولوا ايه وكلهم حتى كلامهم واحد زي ما يكون في حد كتبلهم ورقه يقروا منها يعني حتى بلا شخصيه وفي ناس محترمه غلطة واعتذرت وفي ناس غيرهم كانوا حياديين طبعًا ليهم الشكر". تامر حسني يوجه رسالة شكر لشركة سينرجي ووجه شكر معلقًا: "بقول كل دا عشان تعرفوا ان لو كل الناس اتجمعت عشان توقفلك رزقك أو نجاحك مستحيل حاجه تحصل غير اللي ربنا كاتبه ويشاء ربنا ان الفيلم اللي اخرجته يحقق اعلى ايراد دولي لفيلم مصري في تاريخ السينما العربيه والاغنيه اللي كلامي ولحني تحقق اعلى مشاهدات السنه دي ( هدلعني ) رغم ان جنبها اغاني كتير حلوه مش كلامي ولحني وآدي شركة سينرجي النهارده مشكوره لإعلانها وتفاخرها بما حققه فيلم بحبك من ايراد اول من نوعه في حق السينما المصريه وطبعًا ده حصل بكل ابطاله حبايب قلبي ".
تامر حسني: مردتش على حد غير بشغلي واردف: "تخيلوا بقى احساس كل حاقد دلوقتي والفكره اني مردتش على حد غير بشغلي ومجهودي اللي اخلصت فيه وصدقته انتوا كمان متسمعوش لاي حاقد وابدأوا السنه الجديده بقرارات جديده متسمعوش لاي شخص محبط حقود كريه،صاحبوا الاشخاص المجتهده اللي مليانين طاقات ايجابيه، الاشخاص اللي كلامهم طيب ، متصدقوش كلمة مستحيل، العصر دا الكلمه المُحبطه فيه بقت أسهل حاجه وممكن تقتل بني آدم جميل بس ضعيف مش عارف يتعامل مع كمية السواد اللي بقت في قلوب ناس كتير " لا يصح إلا الصحيح..تامر حسني يوجه نصيحة لجمهوره واختتم حديثه:"في رحلتي شوفت حاجه غريبه جدًا شوفت ناس بتلوم على المجتهد معأن اللوم المفروض يبقى على المُقصر عشان كدا لما المقاييس تلاقوها بقت عند بعض الناس ماشيه بالعكس متسمعوش ليهم خالص مهما صوتهم كان عالي شويه وبيختفوا اعرفوا و طمنوا نفسكم إنه ( لايصح الا الصحيح ) وقبل الكل ربنا موجود ودا كان اكبر تحدي ليا في حياتي الفنيه واخيرًا اتمنى تعملوا بالنصيحه الاخويه البسيطه دي ( مش هتقدروا تمسكوا ألسنة الناس بس تقدروا تقفلوا ودانكم ) كل سنه وانتوا محققين كل احلامكم". آخر أعمال تامر حسني السينمائية. الجدير بالذكر أن آخر أعمال تامر حسني هو فيلم بحبك والذي يعد أولى تجارب تامر حسني الإخراجية وتدور أحداث الفيلم حول شاب يقع في حب فتاة ويتقدم لها وأثناء التحضيرات النهائية للزواج ينصدم بعودة حبيبيته السابقة التي يتبين من أحداث الفيلم أنها اختفت بسبب مرضها وتتشقلب الأحداث ويدخل في صراع بين الفتاتين حول من فيهم هى حب العمر
