مروة صبري تهاجم حسام حبيب بعد عودته ل شيرين: "غلطان أنك رجعت"

هاجمت الإعلامية مروة صبري، النجمة شيرين عبد الوهاب بعد إعلان عودتها لطليقها الفنان حسام حبيب رسميًا، عقب خروجها من المستشفى مؤخرًا، وفقدان تعاطف الجمهور معها.

مروة صبري تهاجم حسام حبيب

ووجهت مروة صبري رسالة للفنان حسام حبيب خلال برنامجها "قعدة ستات" المذاع على شاشة القاهرة "اليوم"، قائلة: "أعتقد بعد اللي حصل ده كله حسام حبيب مظلوم، وبقوله أنت اللي غلطان إنك وافقت ترجع، وإنت حر في اللي هيتعمل فيك، استحمل أما يتقال عليك نصبت عليها وبهدلت حياتها وضربتها وضربت بناتها، وحصل فيك كده مرة واتنين وتلاته وأربعة وفي الآخر رجعت، الصراحة أنا مستغرباك".

تعليق مروة صبري على والد حسام حبيب

وتابعت مروة صبري: "الإفية الأعلى أبو حسام حبيب، بالمناسبة هو رافض يعمل مداخلات مع أي حد، وبيلعب على السوشيال ميديا، ومن أسبوعين بيقوله إنت تربية ست، وخدت مني مليون ونص، وإنت مش عارف بتعمل إيه ودمرت حياة شيرين، وحسام طلع قال شرف إني تربية ست".
وأضافت مروة صبري: "شوفوا النهاردة قال إيه والد حسام حبيب، مبروك ليهم رجوعهم، وأتمنى إنكوا تجبولي حفيد بسرعة، أنتوا اللي ردوا، أنتوا بتستخفوا بعقل الجمهور، يا عم خليك بعيد، وكنت رافض شيرين، دلوقتي إنت فرحان وهاتولي حفيدة وبتحب شيرين.

نصيحة مروة صبري لشيرين

واختتمت مروة صبري حديثها موجهة رسالة قاسية لشيرين عبد الوهاب وزوجها حسام حبيب، قائلة: "أنتوا كده بتلعبوا الكورة بالجمهور، الجمهور كله مشي تبع شيرين لو حبيبته هيحبوه كرهتوا هتكرهوا، وإزاي نصدقك، وفين مصداقية شيرين، وكل يوم طالعة بتصريح وتشتمي فيه، ومع ذلك لو في بينكوا مشاكل الدنيا والآخرى، إحنا كل اللي يهمنا منك فنك فقط، والتدخل الزائد في المشاكل الشخصية بقى بايخ؟.

مداخلة شيرين مع برنامج "الحكاية"

يشار إلى أنه مساء يوم الجمعة قد تحدثت الفنانة شيرين عبد الوهاب في أول ظهور إعلامي عقب أزمتها، بمداخلة هاتفية لبرنامج الحكاية الذي يقدمه الإعلامي عمرو أديب، ومشفت فيها العديد من التفاصيل عن تلك الأزمة التي مرت بها ودخولها إلى المستشفى وعن عودتها مرة أخرى لحسام حبيب كزوجين.