قام الفنان تامر حسني، بتوجيه رسالة دعم وتشجيع للطفل كريم وذلك عبر خاصية أستوري بحسابه الشخصي على موقع تبادل الصور والفيديوهات إنستجرام. وكتب قائلًا: "فخور بيك يا حبيبي يا كريم على اللي سمعته منك انت راجل بطل حقيقي وكل ما تسأل نفسك ((ليه انا)) افتكر فيلم مش انا اللي انت بتتفرج عليه وهتلاقي ان ربنا جعل حسن بمرض نادر واداله قوة الصبر والارادة عشان يكسب امتحانه في الحياة ويصبح رمز ومثل اعلى هيقتدى بيه كل اللي زيه وياخد ثواب كل اللى اتأثر بيه بيه كمان.
وتابع: "أنت بطل حقيقي ولازم تكسب معركتك ومعاناتك في الحياة عمرك سمعت عن بطل معندوش معاناة مستحيل طبعا، لازم تنجح ياكيمو وتفرحنا كلنا، طول ما انت مش تمثال عافر يمين وشمال".
عبر تامر حسني عن سعادته بنجاح حفله في الاسكندرية التي أقيمت لخريجي الثانوية العامة عام 2022، وكتب منشور عبر صفحته الرسمية على موقع التواصل الإجتماعي فيسبوك موجهًا الشكر للتنظيم، وكتب قائلًا: في اسكندريه إمبارح مكانتش حفله كان حدث مش عادي بجد عيني مكانتش عارفه تجيب آخر الجمهور حضوركم الكريم ده هفضل فخور بيه طول عمري، اتشرفت بتقديمي ل 13 موهبه مصريه من مختلف محافظات مصر وفعلًا كسروا الدنيا بأصواتهم اللي فوق الرائعه وعازف الساكس الصاعد المتميز اللي قدمته وموهبته كانت مفاجئه كبيره للجمهور. وأضاف: "فخور بالتنظيم استاذ ادهم بكري الشاب الجميل الاسكندراني اللي كان بيحبني من وهو 15 سنه وقولتله لو بتحبني أو ي لازم تنجح ووعدني إنه هينجح و النهارده عنده 30 سنه ومن كبار منظمي حفلات اسكندريه، ويكون صاحب الحفل الاضخم في تاريخ حفلات مصر بشكر رجال الأمن كل الشكر مجهود عظيم في دخول وتأمين عدد خرافي زي دا لحد دلوقتي مفيش كاميرات عرفت تصور الجمهور رغم كل الصور دي بس قريب هينزل تقرير كبير عن الحفله هيكون أوضح ان شاء الله شكرًا طلاب الاسكندريه حبايب قلبي".
واختتم: "شكرًا لكل شعب اسكندريه العظيم الراقي المحترم شكرًا لكل الوحوش اللي تعبوا في المسرح الكبير ده وإخراج الحفله بالشكل العظيم دا اللي يليق بإسكندريه وشعبها".
آخر أعمال تامر حسني
يذكر أن آخر أعمال تامر حسني طرحه لأغنية حياتنا عبر قناته الرسمية على موقع تنزيل الفيديوهات يوتيوب، أغنية "حياتنا" هي من كلمات: أحمد حسن راؤول، وألحان: إسلام زكي، وتوزيع: إلهامي دهيمة - أحمد حسام.
