أعلن المذيع والممثل خالد عليش عن عدم تواجده ضمن فريق محطة نجوم أف إم في عام 2019. وكتب "عليش" عبر حسابه الخاص بموقع التواصل الاجتماعي "فيسبوك": "لكل اللي بيسأل واللي مهتم واللي مش مهتم انا ليه مش في نجوم اف ام السنة دي (موسيقي ايام السادات في الخلفية)، للاسف و ببالغ الحزن و الأسي مش هاكون ضمن فريق نجوم اف ام السنة دي يعني مفيش معاك في السكة ولا موقف ولا هلي في 2019". وأوضح "عليش" "أسباب كتير هي السبب في القرار ده منها الميعاد الصعب جدا وخصوصا اني بشتغل حاجات تانية منها اني بمثل وغيره بس اللي يعرفني كويس في الشغل يعرف اني بحب التجديد دايما و محبش اقف عند مرحلة معينة من النجاح و خلاص.. نجاحي في نجوم اف ام مكانش معتمد عليا انا بس ، بالعكس انا كنت جزء صغير جدا من منظومة اتشرفت اني اشتغلت معاهم من اصغر شخص لأكبر شخص .. و لآخر لحظة علاقتنا زي الفل يعني مش ماشي بمشكلة ولا حصلت خناقة عشان الإشاعات المغرضة .. وكان من اهم أحلامي اللي عافرت كتير عشان أوصله اني اشتغل مذيع في نجوم اف ام". وأضاف: "انا سايبلكم خالد جواد مكاني عشان الوحيد اللي لقيته اسمه خالد ربنا معاه ان شا الله ونجوم اف ام كلها في ضهره (موسيقي حزينة في الخلفية) أنا اسف لكل اللي اتعودو يروحو علي البرنامج و لكل اللي مزاجه بيظبط مع الهلي بس هي سنة الحياة التغيير.. مش عايز حد يزعل و عايزيكم تقفوا معايا في خطواتي اللي جاية و بلاش عبارات ليه يامعلم تعمل كده ده انتا كنت مكسر الدنيا و لا بصات الشفقة عشان انا فيا اللي مكفيني (موسيقي فرحة في الخلفية) انتظرو تفاصيل اكتر عن المشروع الاذاعي القادم في الايام الجاية".
