يمان السيد أحمد" قنبلة كوميدية عشقت " الفن منذ صغرها, فحاولت الالتحاق بمعهد السينما لكنها فشلت فى ذلك. فاتجهت لمسرح الجامعة حيث درست الحقوق بجامعة عين شمس, وشاركت فى مسرح الجامعة فى عدة عروض ونالت جائزة أفضل ممثلة على مستوى الجامعات لدورها فى مسرحية "سكة السلامة" فى عام 2001. اشتهرت فى الوسط الفنى من خلال تقديمها للبرنامج الكوميدى على قناة موجة كوميدى "توك شو" الذى قامت فيه بتقليد العديد من المذيعات منهن المذيعة "منى الشاذلى" والمذيعة "هالة سرحان". درست "ايمان " لمدة عامين فى استديو مركز الإبداع الذى تعلمت من خلاله فنون ا?داء التمثيلى والفنى كما ساعدها فى تنمية موهبتها, انطلقت بعدها لتشارك فى العديد من ا?عمال الفنية منها المسلسل الكوميدى "حارة العوانس" و "لحظات حرجة". وكان أخرها فيلم "زهايمر" للنجم "عادل إمام" عام 2010. تميزت "ايمان " بخفة الظل مما ساعد فى وصولها إلى الجمهور بسرعة. من أول أعمالك الناجحة تقليدك للفنانات في برنامج "توك شو" كيف تم ترشيحك؟ - ترشيحي في البرنامج جاء بالصدفة ، فعندما كنت فى المرحلة الثانوية والجامعية كنت اشتهر بتقلد المدرسات وتقلد زميلاتى فى الفصل ،وكانت زميلاتى دائما يطلبن منى تقليد المشاهير ، وبعد تخرجي في الجامعة تم ترشيحى لبرنامج (توك شو ) في البداية اعتقدت انه مسلسل سيت كوم لكني فوجئت انه برنامج وطلبوا منى أن اقلد فيه شخصيات معينة .. واعتذرت ، لكن هما اصروا وقالولى احنا شفنالك شغل كويس وهيبقى البرنامج حلو .. وادونى cd فيها الشخصيات اللى فى البرنامج، ذاكرتها وظهر زى ما شفته . كلمينى عن كواليس فيلم (زهايمر) مع عادل امام .. وإيه اللي اتعلمتيه منه ؟ - الفيلم نقلة غير متوقعة في مشواري الفني خصوصا بعدما فوجئت أن عادل إمام نفسه هو من رشحها للدور وكيف أنه يشاهد بدقة كل الأعمال الفنية ليختار الوجوه التي تصلح لمشاركته أفلامه الجديدة، وبالنسبة للزعيم عادل إمام ده فنان كبير جدا وكان حلم بالنسبة لي اشتغل قدامه ، ،وده كان اكتر لوكيشن اشتغلت فيه وكان نفسى ميخلصش من كتر ما كنت مبسوطه ومن كتر ما اللوكيشن ما بيبطلش ضحك سواء وإحنا بنصور أو واحنا بنحضر المشاهد .. فالفنان عادل امام دمه زى العسل على المستوى الانسانى او قدام الكاميرا ، ورغم اننا على طول كنا بنهزر ونضحك إلا ان اهم حاجه اتعلمتها منه هى الالتزام . فى ناس بتقول ان تقليد الشخصيات اسهل من التمثيل .. ايه رأيك ؟ - أنا شايفه أن التقليد أصعب ، عشان أنت المفروض تكون متمكن من الشخصية اللي بتقلدها كويس ، عشان الناس تقتنع بيها .. عشان هما أصلا عارفينها وشافوها قبل كده وعارفين أسلوبها ، فلازم تكون ممثل شاطر ومتمكن من ادواتك عشان تعرف تعملها كويس .. زى الراحل احمد زكى اللى كان عبقرى فى عبد الناصر والسادات .. لكن فى التمثيل أنت بتعمل شخصيه من وجهة نظر معينة وأنت اللي بتحط ملامحها . انتى شايفه ان خطواتك بطيئة فى السينما ؟ - هى ممكن تكون بطيئة شويه بس انا مبسوطه كده الحمد لله ، ودايما اقول انى مش عايزه اطلع بسرعه عشان منزلش بسرعه ، ومش مهم اشتغل كتير لكن المهم انى اعمل حاجة الناس تحبها . كلمينا عن دورك في نونة المأذونة - أقوم بدور إليسا في مسلسل (نونه المأذونه) مع حنان ترك وهي تقوم بعمل استايلست للعرسان اللى (نونه) بتجوزهم وبيحصل معاها مواقف كوميديه فى المسلسل .. وفى كمان (الزناتى مجاهد) مع سامح حسين وبعمل دور (بدارا) البنت اللى سامح بيحبها وبيحاول يتجوزها فى اطار كوميدى .. وهو إخراج اسد فولادكار، وتأليف محسن رزق وبطولة هاله فاخر ، وعبد الله مشرف ، وهناء الشوربجى ، ويوسف دهوود . كلمة لعيون عالفن - كل سنه وانتم طيبين ورمضان كريم ، وعيد فطر كريم كمان .. بلاش فطر مبارك أحسن الناس تفهمنا غلط . عيون علي الفن
