علق سعد الدين سمير مدافع الفريق الأول لكرة القدم بالنادي الأهلي عقب اختياره أفضل لاعب في صفوف المارد الأحمر هذا الموسم وفقا لتصويت جماهير ناديه عبر مواقع التواصل الاجتماعي. وخلال تعليق اللاعب عبر حسابه بموقع التواصل "انستجرام" وجه الشكر لكل من سانده ومن تحدث عنه بخير ، بجانب شكره لزملائه في الفريق والجهاز الفني.
ونشر مدافع الأهلي قائلا: "اولا شكرا لكل الناس الي قالت عليا كلمة كويسة او بدعمك او بتمدح فيك دلوقتي بس للأسف انا مش محتاج الكلام ده دلوقتي لان ده واجب علي اي حد او اي لاعب انك تأدي كويس او تعمل شغلك لكن وقت متكون كويس طبيعي كل الحواليك هيكون جنبك ويشيد بيك .. بس دايما كنت بقول خلي في سند تتسند عليه قبل ماتقول اي حاجة .. لما بتكون مدافع وتتكرم بتبقي حاجة كويسة وخصوصا بعد ما معظم الناس قالت بعد موسم كارثي اداء ممتاز هذاالموسم ????بث ثواني حضرتك !!!؟??اناملعبتش موسم كارثي ولو نص موسم كارثي ولا ربع موسم كارثي ؟؟ لا انت تفهم ايه انت انت كنت زي الزفت وكنت وكنت وكنت خلاص حضرتك انا أسف ...بس حضرتك انا لعبت 5 مباريات طول الموسم بس ؟ اكيد خسارة مباراة في النادي الاهلي ده حدث وبالنسبالنا كارثة مابالك انه كان نهائي .. سجلت في ال 5 مباريات 3 أهداف وفِي هدفين كانو سبب في وصولنا النهائي بعد ربنا . وخسرنا واكيد كنت سبب من أسباب الخسارة وآسف اكيد علي اي غلط بيحصل واكيد مش بيبقي مقصود احنا مش ملائكة لكن مفيش حد لوحده بيشيل خسارة فرقة ولا حد لوحده بيكسب فرقة ولو كده متبقاش لعبة جماعية .. لكن احنا دلوقتي لازم وقت الخسارة نشوف حد معين وتشاور عليه وهو ده الي خسرناولو مش موجودحال الدنيا هيتعدل.. وده بيحصل كتير حتي مع ناس زمايلي لكن عادي كله بيعدي والدنيا هتفضل كده مش هتتغير .. لكن اهم حاجة اتعلمتها ان وقت ما هتقع محدش هيقف جنبك ولا هيسندك بالعكس هتدبح وهيتخلص عليك الا نسبة قليلة اوي او الناس القريبة منك لكن وقت ما هتكون واقف علي رجلك والدنيا حلوة هتلاقي الناس كلها حواليك وهي هتفضل كده مش هتتغير ومتصدقش حد يقولك غير كده انا شايف اني مستهلش اني أكون افضل لاعب وده مش اي كلام .. شكرا لكل زملائي راجل راجل لأنهم احسن لاعيبة وهما كلهم لاعبي الموسم بجد .. محدش يقدر يبقي كويس لوحده الا لو الي حواليه ساعدوه وأحسن رجالة بجد والجهاز الفني الي ساعدونا طول السنة وشكرا لأي حد كان دعمني او قالي كلمة حلوة .. واتمني ان أكون دايما عند حسن الظن والمسئولية بحجم وقيمة النادي الاهلي وعند جمهور لا يقبل الا برقم 1 دائما شكرا جزيلا ومعلش اتكلمت بجد شوية".
