قام الرئيس عبد الفتاح السيسي بالذهاب إلى مدينة دمياط لافتتاح عددًا من المشروعات القومية الكبرى بالمحافظة وفى مقدمتها مدينة دمياط للأثاث حيث يجرى الانتهاء من تجهيز هنجرين يضمان مركزًا تكنولوجيًا لصناعة الأثاث، ومجموعة من الورش الصغيرة المخصصة لصغار الصناع، ألا أنه حرص على توجيه العديد من القرارات للحكومة لتنفيذها أهمها الانتهاء من إنشاء 180 ألف وحدة سكنية في 30 يونيو وكذلك تلبية طلبات أي مواطن يحتاج إلى وحدة سكنية. المصريين بيعانوا قال الرئيس عبد الفتاح السيسي، "أنا عارف أن المصريين بيعانوا بس يارب يكون اللى أحنا هانعمله ثمن معانتنا فيه حقيقى، يا ترى بلدنا مصر ماتستحقش مننا أننا نستحمل شوية علشان نشيل صور العشوائيات من حياتنا". التحول إلى الأفضل وأضاف الرئيس السيسي فى كلمته خلال افتتاح عدد من المشروعات القومية بمحافظة دمياط، قائلًا "التحول إلى الأفضل ليس أمرًا بسيطًا، ولكن لا يصح أن نترك سكان المناطق العشوائية دون تحسين أحوالهم، أحنا بنغير علشان ناس ظروفها صعبة، وبنقولهم أن أحنا كلنا معاكو، ومش هانسيبكم تعيشوا هنا، ومش هانسيب أطفالنا يطلعوا كدة". معاناة لازم ندفعها وتابع : "الأمور ليست بالبساطة التى تعتقدونها فى تغيير حياة شعب مصر إلى الأفضل، وفيه معاناة لازم ندفعها، طيب هانفضل نسيب نفسنا كدة، وتفضل حياتنا وحياة ولادنا كدة؟، لأ مش هاينفع، لأن ده مايصحش وماينفعش، ومانعش بقى لما نسيب بلدنا بالطريقة دى، ويقولولى خالى بالك الناس كدة مش هاتحبك، مايجراش حاجة بس ماتبقاش كدة، وكدة الشعبية هاتقل مايجراش حاجة، بس مش هانبقى كدة، لا يمكن طول ما أنا موجود مكانى والله ماسيب الناس كدة أبدًا". تلبية طلبات أي مواطن وجه الرئيس عبد الفتاح السيسي، الدكتور مصطفى مدبولى وزير الإسكان، لتلبية طلبات أى مواطن يحتاج إلى وحدة سكنية، من أجل القضاء على المناطق العشوائية، مضيفًا: "لو فيه مواطن شغال فى قطاع خاص وعايز يشترى شقة كاش بالإسكان الاجتماعى نوفرها، إنشا الله يكونوا 5 مليون شقة هاعملهم ال 5مليون شقة". تسليم 180 ألف وحدة سكنية وجه الرئيس عبد الفتاح السيسي، الدكتور مصطفى مدبولى وزير الإسكان، بتنفيذ وعده بالانتهاء من 180 ألف وحدة سكنية فى 30 يونيو المقبل، قائلا "عايزين نوفر الإسكان الاجتماعى للمواطنين اللى عندهم استعداد أنهم يتعاقدوا للحصول على شقق". خلال سنة أو سنة ونصف وقال الرئيس السيسى فى كلمته خلال افتتاح مشروعات قومية بدمياط : "اللى عندهم استعداد فى التعاقد، والحصول على وحدات الإسكان الاجتماعى يستلموا خلال سنة أو سنة ونصف من خلال التعاقد ويحصلوا على الوحدة فى مقابل دفع ثمنها بالكامل، مطالبًا بتذليل أى إجراءات صعبة فى الحصول على الوحدات حال دفع ثمنها". منبقاش رجالة لو سمحنا لحد يمد إيده وجه الرئيس عبد الفتاح السيسى، كلمة إلى المحافظين والمواطنين فى نطاق كل محافظة يوجد عليها استيلاء على أراضى الدولة، قائلا: "منباقش رجالة وعندنا مروءة لما نسمح إن حد يمد إيده على أرض بلدنا ونسيبها له، وأى مأمور قسم أو مدير أمن أو محافظ أو مجلس محلى لا يسمح أنه يتسرق أرض بلده". * هذا حرامي ووصف الرئيس السيسى فى كلمة بافتتاح عدد من المشروعات القومية بدمياط، كل شخص يستولى على أراض الدولة بدون حق بأنه "حرامى"، مضيفا: "اللى ياخد الأرض ده لص ومغتصب ودى أرض مصر واللى ياخدها بدون حق هو لص ومغتصب وحرامى أيما كان هو مين". * وعيد السيسي وتوعد الرئيس السيسى كل شخص يحصل على أموال الغلابة بالنفوذ أو غيره، قائلا: "طول ما أنا عايش على وش الدنيا وفى مكانى ده مش هسيب حد ياخد حاجة، واللى عايز يتحدانى فهو بيتحدى حق من حقوق ربنا فى الأرض وأنا معنديش مصلحة ومفيش بينى وبين حد مشاكل واللى بينى وبينك حق ربنا وحق الناس".
