دشن الفنان أحمد مكي، حساب جديد عبر موقع التواصل الاجتماعى الشهير "فيس بوك"، للتواصل مع جمهوره ولتوضيح سبب غيابه العام الماضى. وكتب مكى فى أول منشور له: "اللى خلانى أعمل الصفحة دى إنى لقيت كم ناس سألت عليا لما غبت السنة اللى فاتت وبيستفسروا أنا اختفيت فين، وكنت حابب أشكرهم على سؤالهم عليا لأنه فعلا فرق معايا نفسيا وكنت محتاجه قوى".
وتابع: "أنا كان بقالى سنه تقريبا عيان جداً، كان عندى "فيروس" ضربلى الكبد والطحال.. مكنتش حتى أقدر أشرب بق ميه بسبب الطحال، أول شهرين من المرض، عشان الكبد كان عملى خمول، كنت بأنام من 18 ل20 ساعة فى اليوم خسيت فوق ال30 كيلو وكنت شبه فاقد للأمل".
وأضاف: "الحمد لله على كل حال، أنا دلوقتى خفيت تماما ووزنى زاد تانى، واتعلمت كتير جدا فى الرحلة دى، وكان فارق معايا جدا سؤالكم عنى، حسّيت إن ليا أهل مش جمهور، وإنى فرقت معاهم لما غبت، ربنا يفرح قلوبكم زى ما فرحتوا قلبى، واهلا بيكم فى صفحتى".