نظم العشرات من مستحقي الوحدات السكنية بمشروع الإسكان الاجتماعي في محافظة بورسعيد، اليوم الأحد، وقفة احتجاجية أمام ديوان عام المحافظة، احتجاجًا علي طلب البنك منهم دفع مبالغ اضافية قدرها 5 ألاف و500 جنيهًا وتأخير إجراءات تسلمهم الوحدات السكنية الخاصة بهم مع بطئ اجراء القرعة العلنية لتخصيص الوحدات. وطالب المحتجون بإلغاء التعامل مع البنك والتعامل مباشرة مع المحافظة، وسرعة اجراءات نزول أسماء المستحقين وتحديد موعد اجراء القرعة العلنية. وهتف المحتجون ضد اللواء عادل الغضبان محافظ بورسعيد، مطالبينه بالسماع لمطالبهم وتحقيقها ومنها:"يا غضبان قول الحق اتضحك علينا ولا لا"،و "فلوس المنحة راحت فين"، و"منحة الامارات راحة فين"،و "يا غضبان قول الحق خدوا فلوسنا ولا لا "، و"انت فاهم ولا حافظ ياغضبان ياغضبان انت من حقنا هربان، عايزين شققنا مش عايزين الحقنة،يا غضبان قول الحقق بعت القه ولا لا "،" ياريسنا يا رئيس بورسعيد بتستغيث". ومن جانبها قالت احدي مستحقات الاسكان في الوقفة الاحتجاجية:" مش من حق المحافظ يعاملنا بالطريقة دي احنا بني ادمين وولاد ناس ومعانا كليات زينا زي اولاده ويمكن احسن كمان، المفروض ياخد طلباتنا ويشوف ايه الموضوع احنا ما بنطالبش بحاجة غلط". وأضافت:" بنطالب بايه بانه شققنا تنزل وبنقول لا للبنك اللي احنا اصلا ما نعرفش حاجة عنه ولا اتعاملنا معاه من البداية، 5000 ايه اللي بيتكلم عليهم كل كام شهر ينزلنا 400 اسم علي سبيل ايه؟. وتسائلت المواطنة، "هم بيستخفوا بعقول مين وهو بيعمل كده ليه أساسًا؟ احنا مش عايزينه وبقولها بأعلى صوتي ومتحملة مسئولية نفسي وعندي ولد وبنت ومش مشكلة بالنسبة لي وبقوله انت راجل ظالم وما تعرفش ربنا". لمشاهدة الفيديو اضغط هنا
