سخر الإعلامي يوسف الحسيني، من حفاوة المصريين بقدوم 2017، معقبًا: "دا النعيم إحنا مقبلين على 2017 الجميلة اللى محصلتش اللى هاتحمل الخير لمصر، وهانشوف فيها مصر حاجة تانية، وهاتبقى الفلوس كتير بس النفس اللى تصرف"، لافتًا إلى أن المصري هو المواطن الوحيد الذي يسخر من نفسه في كل شئ بما فيها ليلة الخميس، وهو يموت من شدة الجوع. واستنكر "الحسيني"، خلال تقديمه برنامج "السادة المحترمين" عبر فضائية "أون تي في لايف"، اليوم الإثنين، حديث الإعلامية أماني الخياط، عن أن غلاء الأسعار عقاب من الله، واصفًا إياه بالكلام الفوقي، قائلًا: "محدش يقول للناس أن ربنا بيعاقبنا بغلاء الأسعار عشان مش قادرين نستحمل"، منوهًا أنه ضد التفسير الديني للاوضاع السياسية، معربًا عن رفضه التام لإتباع نهج الإخوان والحديث باسم الدين، معقبًا: "لاداعي لأى زميل أن يخسر محبة الناس". وأضاف: "المواطن ممكن يستحمل لما تقوله اللحمة هاتبقى ب 70 جنيه، والدولار ب 13 جنيه"، متابعًا ساخرًا: "هو ربنا هايعاقبنا على إيه، دا ربنا هايقف جنبنا على اللى احنا فيه، بتقولوا للناس بطلوا تاكلوا لحمة..الناس بتاكل عضم وهياكل ورجول فراخ".