قال حسام البدري المدير الفني للأهلي، إن سعيد بأداء اللاعبين، أمام الإسماعيلي، وتحقيق الفوز بهدف نظيف في الجولة الأولى من بطولة الدوري، على الرغم من الغيابات المؤثرة في صفوف القلعة الحمراء. وأضاف البدري في تصريحات عقب المباراة: " الحمد لله على الفوز النهاردة البداية كانت تهمنا في الدوري مباراة النهاردة في بداية الموسم كانت مهمة وده اللي وصلتو للاعبين وبشكر اللاعبين النهاردة على أدائهم والتزامهم". وتابع: " عندنا ظروف صعبة من غيابات وإيقافات لكن الحمد لله أخذنا الثلاث نقاط... احنا لعبنا بالطريقة المعتاده بتاعنا ولكن كان في بعض الحاجات اللي متفقين عليها اتنفذت بشكل كويس". وأردف: " الشوط الأول كان في شوية كسور لكن اتعدلت في الشوط الثاني واللاعبين نفذو المطلوب... ملعب بتروسبورت اللعيبة متعودة عليه وأنا مش بأؤمن بموضوع التفاؤل والتشاؤم" وقال مدرب الأهلي: " إكرامي كان في مواقف كتير بينقذ الأهلي وهو حارس جيد وأنا بثقة فيه بشكل كبير. ممكن ألعب براسين حربة وارد جدا" وعن خروج أجاي من قائمة اللقاء: " أجاي أنا مش عايز أقدمه غير لما يكون جاهز علشان يكسب ثقة الجماهير والإعلاميين وكل الناس علشان كده فضلت أريحه النهاردة"
