كشف الإعلامي خالد الغندور لاعب الزمالك الأسبق حقيقة اقتراب أحمد الشناوي حارس القلعة البيضاء من النادي الأهلي. وقال الغندور على صفحته الشخصية بموقع التواصل الاجتماعي "فيسبوك" :" ناس كثير و من زمان عمالة تتكلم عن انتقال الشناوي للاهلي و ناس إعلاميين طلعوا أكدوا انتقاله و ناس نزلت صور و قريب الشتناوي نزل صورة بتيشرت احمر و كتب قضي الامر و طلع نفي و والده قال الكلام ده مش صحيح و ناس قالت ما ينفعش ينتقل للاهلي لانه من بورسعيد".
تابع :"و اخيرا بعد غلطة شريف إكرامي الاخيرة و كلام مارتن يول نزل النهارده علي المواقع ان الاهلي أرسل عقد الشناوي للفيفا عشان يدفع الشرط الجزائي و ينتقل للاهلي و من كام يوم اتكتب ان جاله عرض من تشيلسي".
أضاف :"بصراحة كل ده كلام و لكن الاهلي من حقه انه يبحث عن مصلحته و الشناوي أحسن حارس و لكن كل ده لا يمكن ان يحدث الا بموافقة اللاعب و اشتراكه في كل ده لو عايز يروح الاهلي و ممكن يكون كل ده مجرد كلام و خلاص لاثارة الزملكاوية و لكن في النهاية هو اللاعب بيحب الزمالك و عايز يحترف خارجيا او يبقي في الزمالك او ينتقل للاهلي".
اختتم :"اعتقد انه طلع و أكد قبل كده انه عايز يحترف و لو موجود في مصر هيكون في الزمالك و الأيام القادمة هنشوف ايه اللي ممكن يحصل".