وصف الإعلامي جابر القرموطي، حالة نقابة الصحفيين بأنها "لا تسر عدو ولا حبيب"، فمن المحزن أن يتم احتجاز نقيب الصحفيين يحيى قلاش. وأضاف "القرموطي"، خلال برنامج مانشيت، المذاع على فضائية "أون تي في"، اليوم الإثنين، "إزاي بيتستروا على اتنين في النقابة وهما مبلغين إنهم موجودين، وبيت الصحفيين ينعقد في الأهرام وفي الشرق الأوسط ومش عارف المرة الجاية هيبقى فين، لو عايزين يحيى قلاش يستقيل طب استقيل ياعم يحيى عشان تريحهم". وأضاف القرموطي قائلا: "حاسس إن في حد يرغب إن نقابة الصحفيين ما تهداش، الموضوع هدي وكان هيتلم وسكتنا نرجع نشعلله تاني هتقولي بطبق القانون في حاجات تاني مبيطبقش فيها القانون"، واضح إننا بنستدعي الشيطان كما هدأت الأمور، الظاهر فيه ناس بتعمل مزارع للشيطان وكل ما تيجي حاجة لمصر تفرحها مثل مشروع الأسمرات يطلعلنا شيطان ينكد علينا".