أكدت الفنانة لقاء الخميسى، أن زوجها الكابتن محمد عبدالمنصف داعم لها ويقف بجانبها بشكل كبير. وأضافت خلال لقائها فى برنامج "عسل أبيض" مع حنان مفيد فوزى على قناة ten قائلة: "محمد أهدى منى بكثير وبيحكم عقله، وده يمكن نتيجة شغلته والتمرين الكتير، هو شخص هادىء بيحاول يحتوينى، أما أنا إنسانة كثيرة المشاعر وفى نفس الوقت عصبية، ولولا وجود محمد معايا مكنش ممكن حد يتحملنى". وتابعت قائلة: "أنا ومحمد من البداية عارفين إن كل واحد بيشتغل شغلانة صعبة جدا، ومعظم الوقت مش هنكون موجودين مع بعض، لكن فى بداية جوزانا انا اللى كنت ببقى موجودة فى البيت بشكل أكبر حتى لو اتأخرت فى الحضور، أما هو طول الوقت مش موجود، وعشان كده إتفقنا نتحمل بعض، ويمكن فكرة غيابنا عن بعض عمل بيننا وجود حالة من التناغم والاشتياق".