نشرت الفنانة والنجمة ليلي علوي، عبر صفحتها الرسمية علي ال"فيسبوك"، تفاصيل أول بطولة لها مع يوسف وهبي. وقالت علوي: "حكاية أول بطولة.. أول فيلم أقوم ببطولته كان البؤساء.. وكنت مرعوبة وقتها لأني همثل مع عملاقين وهما يوسف وهبي وفريد شوقي... واللي رشحني للبطولة وقتها النجمة الكبيرة هدى سلطان وده بعد ما شافتني في مسرحية (ثماني ستات)، وكانت مبسوطة مني جدا، ووقتها قررت تعزم مخرج الفيلم عاطف سالم عشان يجي يشوفني في المسرحية واتبسط جدا ووقتها قرر يسندلي البطولة، رغم أني كنت صغيرة ولسه بروح المدرسة، وكانت ناهد فريد شوقي تضطر تجيلي كل يوم المدرسة عشان تخدني للتصوير".
وأضافت: "أصعب حاجة أن أول مشهد كان مع يوسف وهبي وأكيد كنت خايفة جدا، ومش عارفه هعمل إيه، لكن لقيته نداني وبدأ يتكلم معايا قبل التصوير عشان يحاول يكسر الخوف اللي جوايا وسالني إنتي عندك كام سنة؟ وساكنه فين؟ وفي مدرسة إيه؟ ولما لقاني مش خايفة منه وبتكلم معاه عادي قال للمخرج يلا إحنا جاهزين".
يذكر أن الفيلم بطولة يوسف وهبي، عبدالوارث عمر، فريد شوقي، عادل أدهم، محسنة توفيق، فردوس عبدالحميد، نبيل نور الدين وليلي علوي. حكاية أول بطولة..أول فيلم أقوم ببطولته كان البؤساء.. وكنت مرعوبة وقتها لاني همثل مع عملاقين وهما يوسف وهبي وفريد شوقي...... Posted by Laila Eloui ليلي علوي on Monday, May 11, 2015