شكرت هند, ابنة الفنان الراحل سعيد صالح, جميع الفنانين الذين حضروا عزاء والدها، وكتبت على صفحتها الرسمية على موقع فيس بوك : بشكر كل اللى جه عزا حبيبى بابا الله يرحمه سعيد صالح والله ما كنت متخيلة حب الناس ليه كده، يمكن عشان أنا بنته وواخدة عليه من زمان فبحبه بأسباب.. لكن عشان تحب حد من غير أسباب بالطريقة دى! ده اللى الحمد لله ربنا كرم بابا بيه . وتابعت قائلة: سعيد صالح راح ومش باقى منه غير ذكرى.. من فضلكم اترحموا عليه بس وبلاش ترددوا أى كلام فى أى مشاكل مالهاش وجود، لأن صاحبها راح عند اللى خلقه . وأضافت هند على صفحتها ب الفيس بوك : الحمد لله أنا وأمى سيرتنا طيبة فى الوسط الفنى.. كفاية عندى إن عمى فاروق الفيشاوى بعد ما عزانى قالى فين نادية أعزيها.. مقاليش فين ماما.. لأن هو وماما عشرة عمر بعيد عن بابا.. كفاية عندى إن ماما كريمةمختار توصل لحد العزا وماتقدرش تنزل من العربية بس تقول اندهولى هند ونادية.. سعيد صالح سيرته لازم تفضل حلوة زى ضحكته ومش هسمح بغير كده . Post by Hind Saied Saleh .