استنكر الإعلامي عمرو أديب، واقعة الاعتداء على المستشار مرتضى منصور، رئيس نادي الزمالك، من أعضاء مجموعة "أولتراس وايت نايتس. وقال في برنامجه "القاهرة اليوم" على قناة "اليوم"، مساء الأحد، "الراجل ماشي من غير حراسة ومن غير أي حاجة وهو طالع من النادي الشاب ضربه من ظهره".
وأضاف: "الاعتداء البدني بكل الأشكال هو مرفوض، استخدام العنف في تسوية أي خلافات مرفوض، إذا كنت عضو في نادي الزمالك ومش عايز مرتضى منصور سقطُه في الانتخابات".
وتابع: "مرتضى منصور في النهاية رجل له مقامه وله سنه، والمفروض المسائل دي ما يكونش ده التصرف فيها، دي قلة أدب وسفالة".
وواصل: "الإخوان أصحاب فكرة الفيديو، دي إهانة مع سبق الإصرار والترصد، عيب، دي مش مجدعة، والعيال اللي عملت كده لازم تتجاب وتتربى قبل العيال دي ما تعمل كده في أي واحد فينا".