عبر عدد من نشطاء موقع التواصل الاجتماعي "تويتر" عن غضبهم وسخريتهم من قطع التيار الكهربي لفترات طويلة دون إبداء اي مبررات منطقة، بتدشين هاشتاج بعنوان "#الحفلة_على_وزير_الكهرباء". حيث قال أحمد غلاب: "انت المفروض تكون وزير للضلمة" وسخر أحد النشطاء قائلاً: "رجعتنا لزمن الطفولة يا وزير أول ما تيجي الكهرباء بنقول هاااااااااااااااااااااااااااااااايا".
وأضافت سلمى أحد الرواد قائلة: "قطع الكهربا بقى زى الدوا كل ست ساعات و لو مقطعتش تحصل انتكاسة و الفيش تضرب لوحدها كده"، وسخر أخر قائلاً: "لو سمحت النور بيقطع كتير ماشاء الله انتوا عندكوا كهربا بتيجي عشان تقطع كمان ".
وعلق أخر قائلاً: "المصري الوحيد الي عنده استعداد يحط صباعة في الكهربا وعنده ايمان انه ربنا هينجيه"، وقال أخر: "الكهربا بقت عاملة زي مسلسلات رمضان 10 دقايق مسلسل و ساعة وربع إعلانات"