بقلم : أحمد إسماعيل فراج كان كام سؤال اتسأل وكان كلام اتقال الحق ليه يتقتل والحلم ليه يغتال بقي صعب ليه نصدق ان الحياه مبدا مش كتر جاه ولا مال ويابلدي ليه تعاندي اديتك كل ما عندي وبرده نفس الحال ويضربوني فيكي بيكي ويقولوا خايفين عليكي والظلم ليله طال اااااااااه يابلدي يا وسيه يا تكيه نهبوكي الحراميه مكتوبلي فيكي اموت ميت مره مره اموت موجوع ومره اموت م الجوع وفي بعدي عنك بموت شريد ومتغرب واموت شهيد بنار حبك لو اقرب مش فارقه عندي اموت كام مره بس اسمعيني حتي ولو مره دنا هان عليا الموت واصرخ بعلو الصوت ثاير لحد ما اموت او يموت الظلم وانتي اللي عاشقه سكوت ونسيتي ليه الحلم يابلدي هواحنا مش باينين ولا انتي مش شايفه نفديكي روحنا وضي العين بس انتي ليه خايفه مفيش في ايدينا غير علم وهتاف يوحد الملايين نهتف باسمك وبالم تطلع اهات صبر السنين ونسمع لصوتنا صدي بيدوي في الميادين الجدع جدع والجبان جبان واحنا يا جدع هنموت في الميدان وفي لحظه فارقه من الزمان ايد واحده كل الاياااااادي وبصرخه بتهز الميدان وفي صوت واحد تسمع بلاااادي ايوه بنهتف ضد العسكر احنا الشعب الخط الاحمر يسقط يسقط حكم العسكر خلاص قال الميدان كلمته وبكره تعلي في الميزااان كفته وآن الاوان يبان اللي وفي م اللي خااااان واللي باع ضميره والجبااان