قال أدمن صفحة كلنا خالد سعيد على موقع "الفيس بوك" بكره كلنا هننزل للتحرير .. لا بنطالب بسقوط الجيش .. ولا عايزين نهدم مصر .. مؤمنين بإن الثورة سلمية .. ورافضين لأي اعتداء على أي أرواح أو ممتلكات خاصة أو عامة ..
بكره عايزين نطالب بسقوط حكم العسكر ديموقراطيا .. بتنحي الجيش المصري لأول مرة من ستين سنة عن الحياة السياسية في مصر وتركها لللشعب ليحدد مصيره عن طريق انتخابات وبدون أي امتيازات خاصة تخلي المؤسسة العسكرية اللي بنحترمها لدورها التاريخي في الدفاع عن أراضي مصر ..
بكره هننزل للمطالبة بانتخاب الرئيس في أبريل وقبل كتابة الدستور زي ما نصت التعديلات الدستورية اللي استفتينا عليها في 14 مارس 2011 .. المجد للشهداء والثورة مستمرة.