المشكلة والعيب عند إمام عاشور.. إبراهيم سعيد يهاجم نجم الأهلي

هاجم إبراهيم سعيد، نجم الأهلي ومنتخب مصر السابق، اللاعب إمام عاشور، بعد المستوى الذي ظهر عليه في مباراة الزمالك في بطولة السوبر المصري.

وقال إبراهيم سعيد، في تصريحات تلفزيونية :"مش ده إمام عاشور، اللي يلعب في الأهلي، مش ده مستوى إمام عاشور، اللي احنا عاملين بنتكلم عليه، يعني إمام وصلني لمرحلة إن أنا كنت غلطان مش ممكن أكون غلطان لأن أنا مش من نوعية الناس إن أي لعيب يعجبني واتكلم عليه كويس، مش بسهولة اتكلم على حد كويس".

وتابع: "قليل جدًا لما يكون لعيب عجبني، هل أنت كنت غلطان لما أشادت بإمام عاشور؟ أنا كنت متخيل إمام عاشور، في مستوى أحسن منكده".
واضاف:"المشكلة والعيب عند إمام عاشور، لازم يشوف ايه اللي خلاه غير مفيد للنادي الأهلي، في مباراة الزمالك كل كورة ألشة مش عارف يعمل كونترول على الكورة والتسديد غلط واستعجال وقراراته متسرعة».

وواصل: مش ده إمام عاشور، اللي بقول عليه أعلى إمكانيات في مصر»، مضيفًا: «إمام عاشور، بالمستوى ده يقعد احتياطي، حسين الشحات، بالمستوى ده يقعد احتياطي".
وأتم: «أنا كنت متوقع إن إمام عاشور، يكون رقم واحد في الأهلي، ولكن بالمستوى ده مالوش أي فايدة للفريق سواء دفاعيًا أو هجوميًا، إنتكده بتعمل إيه في النادي الأهلي إيه الدور اللي بتقدمه مع اللعيبة أنا بعتذر اني قولت إن امكانيات إمام عاشور، هي الأفضل".