باشرت نيابة شمال القاهرة، التحقيقات في واقعة مقتل شاب على يد خطيب شقيقته، أثر مشاجرة بينهما بسبب موعد الزواج بمنطقة روض الفرج. عايشة مع أراجوز مقالب.. ريهام تطلب الخلع: صحيت لقيته عامل نفسه ميت قولتله علمني الحاجات دي.. هاجر تطلب الخلع: جوزي مش رومانسي إتهامات بالسرقة والتزوير.. مفاجأة جديد في أزمة حسن شاكوش وزوجته.. خاص بدأ ب عربية كبدة.. مفاجأة عن "بوحة" جزار الأحصنة في الجيزة إعترافات قاتل شقيق خطيبته في القاهرة وأعترف المتهم بقتل شقيق خطيبته بمنطقة روض الفرج، بإعترافات تفصيلية أمام نيابة شمال القاهرة قائلا «هو اللي خلاني أعمل كدة، بعد أربعة سنوات خطوبة جاي يعمل مشاكل عشان الخروج والحاجات التافهة دي»، مشيرا إلى أنه قتل المجني عليه أثر قيام الأخير بالتطاول عليه بالسب والشتائم. وقال المتهم بقتل شقيق خطيبته في القاهرة أمام النيابة، «من سنين وأنا بيني وبين خطيبتي علاقة حب، وأتقدمت لها عشان أتجوزها، وفعلا أتخطبنا من 4 سنين، وطول المدة دي مكنش بيحصل أي مشاكل بيني وبينها أو بيني وبين أخوها، وقبل الحادثة بحوالي إسبوع أخوها كلمني وقالي عايزك». المتهم: وريته صور أخته على تليفوني وتابع قاتل شقيق خطيبته في القاهرة قائلا «روحت له عشان نتكلم لقيته بيكلمني عن ميعاد الفرح، قولت له إيه مالك هو حصل حاجة، قالي هو كدة وأخرك معايا شهر، لو محددتش ميعاد الزواج أنا هفسخ الخطوبة دي، إحنا في منطقة شعبية وأنا مش هسكت وأنت كل يوم راجع أنت وهي وش الفجر». وأضاف المتهم في إعترافاته قائلا «وفي يوم كنا راجعين أنا وهي متأخر وهو عمل خناقة كبيرة ومسك فيها وضربها قدامي، وشتمني ساعتها بأمي وأنا مسكتش طبعا وعشان أسكته وأخليه ما يقولش تاني نفسخ الخطوب دي، طلعت له صور لأخته خاصة على موبايلي كانت هي بعتهالي». وأختتم المتهم بقتل شقيق خطيبته قائلا «يوم الحادثة كنا قاعدين وأتخانقت أنا وهو وبعدها مسكنا في بعض، روحت ضاربه على راسه ولقيته وقع في مكانه ساكت، معرفتش أعمل إيه وفضلت أفكر، وبعدين أخدت الجثة نزلتها في مدخل البيت وحطيت عليها أغطية كتير، وخرجت روحت لهم البيت وعملت نفسي بدور معاهم عليه». وكانت الأجهزة الأمنية بمديرية أمن القاهرة، تلقت إخطارا من غرفة عمليات النجدة، تضمن العثور على جثة في أحد العقارات بدائرة قسم شرطة روض الفرج، وعلى الفور إنتقلت الأجهزة الأمنية في القاهرة إلى موقع البلاغ وتبين العثور على جثة شاب يرتدي ملابسه وبه كدمة في الرأس. وتبين من التحريات الأولية التي باشرتها الإدارة العامة لمباحث القاهرة، وجود خلافات بين المجني عليه وخطيب شقيقته، حيث قام المتهم بضرب المجني عليه حتى لفظ أنفاسه الأخيرة، وتم نقل الجثمان إلى الثلاجة تحت تصرف النيابة العامة وتحرر المحضر اللازم عن الواقعة وجرى إستكمال الإجراءات القانونية.
