كشف محمد عامل النظافة صاحب واقعة الطرد من أحد محلات الكشري، تفاصيل جديدة، خلال لقاء له لبرنامج "تفاصيل"، عبر فضائية "صدى البلد2"، تقديم الأعلامية "نهال طايل"، وأكد أن الفنان احمد العوضي، قالي متزعلش كأنه هو صاحب المشكلة. وأكد أنه لا يوجد احد قام بمساعدته ولا يوجد مدير أعمال له، وأنه قام بحضور عزاء المحامي فريد الديب من اجل تأدية الواجب فقط. وإليكم أبرز التصريحات. زعقت مع المدير أكد محمد، عامل النظافة الذي تم طرده من أحد محلات الكشري، "أنه في نفس اليوم واقعة طردي من محل الكشري الفيديو نزل على مواقع التواصل الاجتماعي، ولم أكن أعلم أن الفيديو سيتسبب بكل تلك الضجة الكبيرة". وقال أنه "زعقت مع مدير محل الكشري، وخدت علبة الكشري ودخلت قعدت جوة على الترابيزة".
وتابع ، أنه قولت لمدير المكان انت عملت ليه كدة لأن اي بني ادم بيخش المكان، ومفيش حد ميقدرش ميدخلهوش".
مشاكل مع زوجتي وأشار إلى أنه أنا متزوج لكن هناك مشاكل مع زوجتي، وأواجه الأن أيضا مشاكل بسبب تركي للعمل.
أكلت مع العوضي في طبق واحد..ورفضت أروح معاه محل الكشري قال محمد عامل النظافة، صاحب واقعة الطرد منأحد محلات الكشري، إن الفنان أحمد العوضي "كلمنى وقالى أنا عازمك على العشا وقالى هاكل معاك في طبق واحد وهو اللى كان بيحط لي الاكل". وقال أن الفنان أحمد العوضي كان لديه رغبة أن نتواجد بمحل الكشري، ولكن رفضت وكان لدي إصرار أن يكون له حرية اختيار مكان آخر. وتابع أن الفنان أحمد العوضي "سلم عليا واستقبلنى احسن استقبال وكفاية اللى عمله معايا، وطبطب عليا وقالي متزعلش كأنه هو صاحب المشكلة". مي حلمي كلمتني وأشار إلى أن الإعلامية مي حلمي كلمتني من دبي وقالتلي اول ما انزل القاهرة نتقابل وهنقضي يوم وسمعت انها هتعمل تأشيرة دبي ليا. روحت عزا فريد الديب زي أي حد مش عشان التريند كشف محمد عامل النظافة، صاحب واقعة الطرد من أحد محلات الكشري، عن تفاصيل حضوره عزاء المحامي فريد الديب، قائلا "كنت مع فنان اسمه برازيلي وهو معروف طلبني إننا نقضي يوم وصلينا العشاء في عمر مكرم ومكان عزاء فريد الديب كان هناك ودخلت عزيت عادي وخرجت". وقال"فيه ناس كانوا بيقولوا إن فريد الديب كان عايز يجيب حقي من محل الكشري الذي طردني". وتابع "قعدت في العزاء زي اي حد وأخدت بعضي ومشيت.. انا قمت بواجب العزاء عشان آخد ثواب من الله، وكل خطوة الواحد يخطوها ياخد ثواب من الله".
مش عشان التريند وأشار "فيه ناس بتقول إني حضرت العزا عشان التريند وده خطأ وربنا عالم بنيتي ودي حاجة بيني وبين ربنا". محدش عرض عليّا حاجة أكد محمد، عامل النظافة صاحب واقعة الطرد من أحد محلات الكشري، انا بشتغل عامل نظافة من سنة، ومطلبتش من اي حد حاجة، ولا طلبت فلوس". وقال "انا مبسوط وفرحان ان الناس بتحب تتصور معايا، ومقدرش أقول لا لحد، وأحلى حاجة انه لما الناس بتقابلني بتهزر معايا". وتابع أنه "مفيش حد اداني حاجة او عرض عليا حاجة وكلها اشاعات، ومفيش عروض تمثيل أو رجال أعمال كلموني". ليا 5 اخوات وأشارإلى أن "انا ليا 5 اخوات وبيتريقوا عليا وبقولولي انت خدت ايه بعد الصيت ده كله وبقولهم خت الصيت من ربنا".
استلفت 400 جنيه علشان أجدد النقابة..ومعنديش مدير أعمال أكد ، أن "مفيش حد وقف معايا لحد دلوقتي وانا مبكلمش حد وعلى قد ما اقدر بنزل أي شغلانة وحاسس إن أنا لوحدي". وقال : مفيش حد ساعدني بحاجة وإداني جنيه وروحت عشان أجدد ورق النقابة واستلفت 400 جنيه، وعندي قومسيون طبي الفترة الحالية ومش هروحه عشان مش معايا فلوس". وتابع "فيه ناس بتقول معايا آي فون وعندي مدير أعمال انا نفسي أعرف هو فين وانا أخدت صيت وشهرة بس ومفيش حد اداني جنيه ولحد دلوقتي انا مبشتغلش".
برد على التليفون وأشار إلى أن "الفنان إدوارد قال أنه عزمني على عشاء وأنه هيديني ألف جنيه، وده محصلش ولو حصل كنت هروح والكلام كتير، عشان انا برد على التليفون ومحدش بيرد على التليفون غيري".
