كشف الفنان محمد رمضان عن السر وراء الحروب التى تقام ضده وتحاول أن توقف نجاحه وتحطم طموحاته. وقال محمد رمضان مع الإعلامية اللبنانية ديانا فاخوري عبر قناة صوت بيروت: "أنا معرفش مين أعدائي لأني مش بحاول أعرف هل هما جماعات أو كيانات أو أفراد، المهم إني أكون مأمن نفسي وأحلامي كويس والحروب دلوقتي أصبحت معنوية، ويوجد محاولات لاغتيالي معنويا وفي بداياتي كانت فاكر اللي بيحاربوني زملائي في مجالي، ولكن اليوم أنا بنفي تماما وجود حرب من زملائي لأنهم كدا بيضربوا دبابة ب نبلة ومفيش توافق بيننا، واللي بيضربني أكيد أكبر من كده". ألفت إمام: رفضت العمل مع الزعيم.. وابتعدت عن التمثيل بسبب مسلسل دنيا سمير غانم حطمت زوجتك بجهلك.. تصريحات صادمة من والد حسام حبيب ضد ابنه بسبب المشهد الجريء.. راغدة شلهوب: اتخضيت من رد فعل ميار الببلاوى.. فيديو خناقتي مع أحمد زكي.. إيناس الدغيدي: قلت له نجوميتك في الشارع محمد رمضان وأضاف محمد رمضان: "الكليبات بتاعتي فيها قوة وأنا اخترت مدرسة مختلفة والغناء جه بالصدفة لأني ممثل وحققت نجاحات كتير وعملت أغنية لإعلان والأغنية تخطت نجاح الإعلان وبقت في كل مصر ومكسرة الدنيا وجمهوري حبها وأنا بحب جمهوري وأنا صوتي حلو في نوع مزيكتي ولو مطرب مستحيل يغني الأغاني بتاعتي لأني بغني بسرعة 160 وأهم مطرب مش هيقدر يعمل زيي ومينفعش أجيب مهندس أقوله أبقى دكتور، أنا نوع مدرسة في الغناء ملهاش علاقة بالطرب ولكن موجودة وهي الأعلى أجرًا وجماهيرية في العالم وهي جديدة في مصر وكنا بنقول عليها UNDERGROUND ومقدرش أقول صوتي حلو عمومًا، والمطرب اللي بيقول آه يا ليل صوته هيكون وحش في الأغاني بتاعتي، ودا محتاج صوت ذكوري رجالى". وعن لقب "نمبر وان" وإصابته بالغرور، قال محمد رمضان: نمبر وان هو هدف أي شخص ناجح في الحياة، أنا شخص طموح، والطموح والغرور لا يجتمعوا في مكان واحد، أنا اتولدت في عائلة متوسطة ولم أحقق واحد في المية مما أحلم، وجملة "نمبر وان" بقيت في اللاوعي عند الجمهور.
