حل الفنان عمرو يوسف ضبفا على برنامج "حبر سري"، مع الاعلامية اسما ابراهيم، على قناة القاهرة والناس، وتحدث عن العديد من التفاصيل المهمة وكشف عن الأسباب الحقيقية لوقف مسلسل الملك، كما أكد عدم صحة الشائعات التي تزعم تعرضه للتحرش من معجبات في الشارع، وهذه الرز تصريحاته بالبرنامج.. حقيقة تعدي على عامل كشف النجم عمرو يوسف، تفاصيل الشائعات التي انتشرت ومتعلقة باعتدائه على عامل خلال مهرجان الجونة. وَرَدَّ عمرو يوسف على الواقعة لأول مرة، قائلا: "تعرضت لظلم شديد، وأغلبية الوقت مش برد، وأول مرة أتكلم عن الموضوع ده، واللي حصل لإن نزل خبر إنى اعتديت على عامل؛ عشان طلب يتصور معايا، ومش متخيل إزاي حد يصدق حاجة زي كده، إني اضرب شخص نفسه يتصور معايا، وده عبث". واضاف : "الحقيقة كنا معزومين على العشاء في ثالث ليلة من أيام المهرجان، وكنا 20 واحد على الترابيزة، والولد ده كان حاطط كاميرا التليفون على صدره، وبيصور بخبث، وكشفته، وقلت له بتعمل إيه؟، خاف وساب الفنانين وجري، وطلعت بره لقيت الولد واقف بره، وقلت له افتح الفون؛ خاف وطلع يجري". وتابع: "واحد من زمايله جه، وفتح لي التليفون؛ لقيته مصور لايف 3 دقائق، ودخلت بصيت على فونه؛ لقيت بلاوي على التليفون، وخليت التليفون معايا، وثاني يوم خاله اتصل على الفون، ورديت عليه، وبيقولي أنا عرفت القصة، وأنا بعتذر لك، وأمه كلمتني واعتذرت لي، وقالت لي ابني نفسه يمثل، وهو كل يوم بيعمل لنا مشكلة". وأكمل عمرو وسف: "أمه كانت خايفه أبلغ عنه، والتليفون كان فيه حاجات تحبسه وتوديه في ستين داهية، والتليفون كان كارثة، وقلت لهم أنا همسح التليفون بالكامل، وهرجع لكم التليفون، والولد غلطان 100%، وطلع بعدها إشاعة إنى أنا اللي ضربته، وده محصلش خالص". أسباب ايقاف مسلسه وكشف عن الأسباب الحقيقية لوقف مسلسل الملك لأول مرة، قائلا: "أول مرة اتكلم عن وقف مسلسل الملك وكنت رافض الرد ساعتها لان الكثير من وسائل الاعلام العالمية اتكلمت عنه غير وسائل الاعلام المصرية وفضلت الصمت وقتها لان الكلام كان كتر قوي زيادة عن اللزوم، وتجويد وراء أسباب وقف المسلسل". ورد قائلا: "محدش عمل خطأ بقصد ونفس شركة الانتاج اللي انتجت لى المسلسل تعاقدوا معايا على شغل تانى، وتعاقدوا مع الكتاب في مسلسل جديد هو جزيرة غمام". وكذب الفنان عمرو يوسف، الشائعات التي ادعت وقف المسلسل بسبب رفضه حلق ذقنه، وقال: "ومن ضمن الشائعات الكارثية أنه اتقال اني مردتش احلق دقني وده يعطي ايحاء خاطئ عني وعن الشغل، وأنا راجل محترف وتتلمذت على يد نور الشريف ومفيش حاجة اسمها كده والتفكير يوصل لكده، والشخصية من غير دقن وشنب في الحلقات الاخيرة". وأوضح الفنان عمرو يوسف، أن المسلسل مأخوذ من رواية نجيب محفوظ ويقوم على دراما وخيال المؤلف وأضيف لها الكتاب الشاطرين آل دياب وعملوا 30 حلقة، مشيرا إلى حدوث بعض الاعتراضات بعد نزول برومو المسلسل وفي ناس كثيرة رأت في اخطاء في شكل التاج والذقن وان ده مكنش موجود وقتها وشركة الانتاج قررت توقف المسلسل. وتابع: "كل زملائي في الوسط كلهم دعموني واكثر من 80 نجم عملوا لي دعم كبير، وكنت نفسيا في الوقت ده مضايق جدا وكان فاضل لنا 10 ايام ونخلص المسلسل، واحبط جدا وحسيت ان في مجهود كبير راح في الهوا وكنت نفسيا تعبان جدا في الفترة دي وكلنا احبطنا". تعبت نفسيًا.. عمرو يوسف يكشف لأول مرة السبب الحقيقي لإيقاف مسلسل الملك|فيديو عمرو يوسف: كندة علوش تأثرت فنياً بسبب الإنجاب ولم أتدخل في قراراتها حقيقه تعرضه للتحرش كما أكد النجم عمرو يوسف، عدم صحة الشائعات التي تزعم تعرضه للتحرش من معجبات في الشارع، قائلا: "معرفش مين اللي بيطلع الشائعات دي وأنا ليا معجبات كتير والواحد عايش بحب الناس ولكن مش لدرجة التحرش". وأشارت : "كندة عاقلة فى التعامل ولم يحصل معي مواقف مبالغ فيها من المعجبات". وكذب النجم عمرو يوسف، شائعة انفصاله عن كندة علوش المتكررة، قائلا: "أول مرة اسمع شائعة انفصالي عن كندة ولو هنمشى ورا السوشيال ميديا مش هنخلص وأنا بعيد عن السوشيال ميديا وطبيعتي مش كده ولو ركزت في السوشيال هنسى شغلي والوقت اللي مش بشتغل فيه بقعد مع بنتي في البيت". اتهامات لأولاد رزق أوضح عمرو يوسف أنهم عملوا الجزء الأول من ولاد رزق ونجح، وعلشان كده عملنا الجزء التاني وحقق أعلى إيرادات في تاريخ السينما المصرية، بس مشاهده ماكنتش جريئة، لكن طبيعية لأنها مرتبطة بحياة الشخصيات، ولذلك هو عجب الناس وحقق نجاحا كبيرا. قال الفنان عمرو يوسف، إن فيلم "ولاد رزق" حقق نجاحا كبيرا بجزئيه ومن الأفلام التي حققت أعلى ايرادات في تاريخ السينما المصرية، موضحا أن الالفاظ التي تناولها الفيلم أقل من الطبيعي، وطبيعية الفيلم ترديد بعد الألفاظ. وأوضح يوسف خلال حواره ببرنامج "حبر سري"، مع الاعلامية اسما ابراهيم، على قناة القاهرة والناس،:" عملنا الجزء الأول ونجح، وعلشان كده عملنا الجزء التاني وحقق أعلى إيرادات في تاريخ السينما المصرية، بس مشاهده ماكنتش جريئة، لكن طبيعية لأنها مرتبطة بحياة الشخصيات، ولذلك هو عجب الناس وحقق نجاحا كبيرا. وأشار عمرو يوسف إلي أن مسلسل الاختيار مهم للغاية بأجزائه الثلاثة وهذا دليل على قوة الدراما في مصر.
