قال الفنان أكرم حسني، إنه بعيد كل البعد عن الغرور، مؤكدا أنه يحب الجمهور ودائما يعمل على إسعادهم وتلبية طلباتهم. ورد «أكرم حسني» خلال لقائه في برنامج «حبر سري» المذاع على قناة «القاهرة والناس» على اتهامه بالغرور: «محدش قال لي قبل كده أنت مغرور.. وأنا مش شايف نفسي على حد وعمري ما عملت كده». وتابع «أكرم حسني» : «المرة الوحيدة في حياتي اللي اعتذرت اتصور مع حد كنت في المستشفى مع والدي وكانت في مراحل مرضه الاخيرة.. وكان لازم يكون حد معاه سنده وهو ماشي قلت له اعملها ازاي لاني كنت ساند أبويا ودي كانت المرة الوحيدة اللي رفضت التصوير مع أحد المعجبين». لا أحب كلمة فشل وأشار «أكرم حسني» إلى أنه لا يحب كلمة فشل، ودائما يقول أنه خاض تجربة ولم يوفق وتعلم منها، قائلا: «أقول أنني نجحت في التعلم من غلطي.. أتعلم دائما من كل غلطاتي». وعن أسباب عدم نجاح مسلسل رجالة البيت، رد الفنان أكرم حسني، قائلا «هو لعدم تحضيرنا الكافي له». وأكمل «أكرم حسني» : «عندي احلام كتير وبحس أن الخطوات اللي خدتها بنسبة كبيرة مرضية ليا ومفيش حاجة دخلتها و بذلت فيها مجهود واتخذلت وربنا بيديني اكثر مما اتوقع، وبتعلم من التجارب اللى غلط فيها».